📅 Dinsdag 15 April 2025
Dit reën weer,
maar nie soos voorheen nie.
Nie met storm nie—
net sagte water
wat op sinkplate sing
soos iemand wat nie wil weggaan nie.Ek leef in tussenin-tye—
tussen dink en los
tussen glo en laat gaan
tussen was en miskien.Ek het nie antwoorde nie.
Maar ek het koffie,
en ’n stoel by die venster,
en ’n hart wat nog wil glo
dat sag wees nie verloor is nie.Daar is mooi in die miskien.
En vrede in die wag.
En rus in die reën.
