Məlumata görə, Çirkli Pulların Yuyulması və Terrorçuluğun Maliyyələşdirilməsi ilə Mübarizə üzrə Beynəlxalq Təşkilat (FATF) Rusiya Federasiyasının üzvlüyünə xitam vermək, başqa sözlə desək, Rusiyanı “qara siyahı”ya salmaq barədə qərar qəbul etməyə hazırlaşır. Əslində, Rusiya bu qərardan sonra İran, Koreya Xalq Demokratik Respublikası və Myanma ilə eyni kateqoriyada qərarlaşacaq.
İqtisadçıların fikrincə, bunun Rusiya üçün ağır nəticələri ola bilər:
Rusiyanın beynəlxalq ticarəti iflic ola bilər;
Fərdi şəxslərin xaricə pul köçürmələri qadağan edilə bilər.
Rusiyanın FATF-dakı üzvlüyünə xitam verilməsi, böyük ehtimalla, Ermənistan iqtisadiyyatına da təsir edəcək.
Ötən il 2021-ci illə müqayisədə Ermənistana xaricdən transferlərin həcmi 2,5 dəfə artıb və 5,2 milyard dollara çatıb. Xarici köçürmələrin ən böyük payı - təxminən 3,6 milyard dolları - Rusiya Federasiyasından həyata keçirilib. Üstəlik, bu göstərici də öz növbəsində 2021-ci illə müqayisədə 4 dəfədən çox artıb.
Təbii ki, Rusiyadan xaricə fiziki şəxslərə pul köçürmələrinin qadağan edilməsi həm Ermənistan əhalisi, həm də ümumilikdə Ermənistan iqtisadiyyatı üçün ağır zərbə ola bilər.