UPD. Дзякуючы вашай падтрымцы падкаст працуе ўжо больш за год! Новая мэта — забяспечыць яшчэ тры месяцы праекта.

Вітаем, гэта падкаст «Зроблена ў Польшчы». Нашай мэтай з'яўляецца стварэнне агульнадаступнага і цікавага кантэнту, які будзе карысны для тых, хто жыве ў Польшчы і на каго ўплывае польская палітыка.

Мы (Кірыл і Макс) робім падкаст на нашыя ўласныя сродкі. Нашая мэта — рабіць падкаст такім, каб ён мог жыць за кошт падтрымкі гледачоў і рэкламы.

Для нас важна, каб падкаст быў максімальна актуальным. Дзеля гэтага новыя выпускі будуць выходзіць раз на тыдзень, то-бок 4 разы на месяц. Тэхнічныя выдаткі на мантаж, графіку, гук складаюць агулам каля 3 тысяч злотых на месяц. Трэба адзначыць, што з гэтай сумы мы як вядоўцы нічога не бярэм для сябе, а дзякуючы нашым сябрам і сяброўкам значная частка вытворчасці падкаста для нас каштуе ноль злотых.

Апроч таго ў нас ужо ёсць цікавыя ідэі, як у далейшым развіваць наш праект: дадатковыя кароткія фарматы, стрымы і іншыя фішкі, якія могуць зрабіць праект яшчэ больш цікавым і актуальным.

Таму для нас неверагодна важная вашая падтрымка! Разам мы здолеем зрабіць польскую палітыку больш зразумелай.