nancy kwai - 八字性格：身弱傷官，柔美與堅強之間的反差私心講，鍾意nancy kwai，趁住佢發布新EP嘅日子，講講佢八字。而且命理上，佢亦係一個講傷官嘅好例子，尤其係好多女性都關心嘅「傷官見官」。
根據wiki上面寫嘅生日，佢係癸水日元，地支辰寅卯三會木局。木局以寅月爲中心，甲木形式嘅傷官主導佢內心真實情況。
1. nancy kwai 第一個反差特點：甲vs乙，外柔內剛，外曲內直。因為2023開始嘅大運乙亥，令到地支嘅木局變為用乙木嘅形式來表現，偏向柔弱。改名「綽」，有飄逸綽約嘅意境。但畢竟乙木特質只係因為大運而出現，掩蓋唔到甲木剛直嘅一面。
2. 第二個反差特點：戊vs寅，外靜內動，外在「正經」，內在「古靈精怪」。月柱天干戊土坐係寅木上係「傷官見官」。戊土係穩定安靜，寅木係破土而出嘅意象。
呢兩個性格上嘅反差，有人好鍾意，我就係其中一個。亦有人唔鍾意，呢種「表裏不一」嘅感覺令到佢偏小眾。
下篇 續講佢 唔同時辰配合出來可能嘅格局&呢個大運有咩特別