mura na ba kog korek inig musulti ko nga nagmugna kog genre sa lit? daghang mga hanas sa literature ang puydi magsaka sa ilang mga kilay. pero wa koy labot ana nila bisan ipangsang-at pa nila ilang mga kalimotaw.
ang ako lang gikalabotan kay ang expression nga good luck.
sa una kay dili ko mutuo ana kay mutuo man kog GINOO. ana pa gane si einstein nga GOD doesnt play dice. tuo ko niana. ug kon kita makadawat man og maayo, tawagon ta nag panalangin o blessing.
apan kay maestro man diay ko, nakabalo ta anang mga terms nga top-down ug bottom-up. kon pilion sa GINOO nga maghatag og grasya, top-down: sa taas-paubos. ug kon ato na kining dawaton ug atong nang panid-an ang maong grasya, bottom-up: sa ubos-pataas.
ug kay ang GINOO man gyod ang labawng makagagahom, naa ra gyod sa iyang infinite wisdom kung unsa Iyang buhaton sa atoa.
sa ato pa, tanang grasya nga atong nadawat, bisan ang mga pagsulay, kana tanan, tawgon man natog “pagbuot sa Ginoo,” para sa atoa nga naapektohan ani, duha ra gyod na: na-swertehan o nademalasan.
apan muingon ta nga wa man nagdula-dulag swerte ang Ginoo. tinuod. ug ako gatuo nga naay wisdom sa iyang mga desisyon. apan kung unsa man galeng nang mga desisyona Niya, kita, isip mga insignificant beings, under gyod ta sa mercy sa Ginoo. ug kay dili nato controlled nga hatagan tag mercy sa Ginoo o dili, kung unsa man galing mahitabo sa atoa, maayo man o dili, luck ra gyod na.
kitang tanan, lucky bastards.
luck lang kung kinsa imong ginikanan, asa ka mag-eskuyla, kinsa imong mga maestro, imong privileges ug lack of it kay luck lang gyod. kana imong credentials ug kahanas, dili man na imoha tanan. ikaw diay nag-kontrol sa imong genes? lagi, nag-study ka. apan ikaw diay ang master? dili ba ang imong utok nga naswertean lang gyod nga ingon ana ang make up? kon gipanganak ka nga buang, mahanas diay ka? (maong wa koy labot sa mga hanas sa literature nga gasaka sa ilang mga kilay. kinsa mo sa tinuod lang?)
sa COSMIC LOFI GOTHIC REALISM, ang characters nga human, gibutang sa cosmic settings o kon dili, naay cosmic move nga naka-affect sa ilang human lives. ug ngari, gina-reflect ang inhumanity sa universe.
lahi ni sa lovecraftian o cosmic horror nga ginatawag. puydi masulti nga gikan dira ning bag-ong genre. apan ang kalahian kay naay lofi.
low fidelity music ning lofi, bricolage sa mga samples. ang CLGR, tungod sa iyang pagka-experimental, ganahan sad og bricolage. mapakita ni iyang pagka-multilingual o diglossic, sa iyang incorporation sa glitch, sa pag-forego o sa strategic nga gamit sa capitalization ug uban pang mechanics sa writing, ug uban pang mga assemblage nga relevant sa piece.
kining CLGR, response pod ni nako sa boring na kaayo nga social realism trend labaw na nga Mindanao literature.
kapoy na kaayo sigeg basa og mga mamumuo o mga gipang-abusar sa mga earthly capitalist lords. sa akong kaluod sa pagka-cliche sa genre, nakahunahuna ko nga yatakyatakan ang capitalist lords sa lit gamit ang mga dili mabangbang nga kubal sa tiil sa cosmic inhumanity.
kay limited lang sa earthly power dynamics ang social realism, luwaan ra ni sa cosmic power (walay dynamics, kay igo ra maapektohan ang characters; kon mu-resist man, di mahibaloan kinsay resist-san) sa COMIC LOFI GOTHIC REALISM.
sa ato pa, akong gina-awhag, labaw na ang readers nga bisaya nga magsulat ani nga genre, o kon dili man, pagmugna og inyo. ay nag sabay anang social realism.
ako lang klarohon kay daghan mag mga bogo, nga wala ko nagsulti nga di importante ang mga tawo ang gina-represent sa mga characters sa social realism. importante ug magpabiling importante ang social realism.
apan dili kay importante, entertaining na. nabantayan lang gyod nako nga sum-ol na ang social realism. ug kana pong gender/identity themed genre. murag mga wa nalutas.
busa, manuwat ta sa laing genre, o mangmugna tag atong mga genre. kon ganahan mo, suwat ta aning Cosmic Lofi Gothic Realism. i-PM ra ko kon ganahan kag sampol.
—Frank Lloyd