НОВАЕ ІМЯ Ў БЕЛАРУСКАЙ САЛІДАРНАСЦІ

Сёння я запускаю новую ініцыятыву дапамогі: BELAID – нашая беларуская дапамога адно аднаму, без абмежаванняў і доўгай бюракратыі.

Па самых асцярожных ацэнках, за мяжой нашай краіны цяпер жыве да паўмільёна беларусаў і беларусак і ўсе гэтыя людзі ствараюць вялікую дыяспару. Таксама ў нашай дапамозе маюць патрэбу тыя, хто жыве ў Беларусі і трапіў у бяду. BELAID – гэта інструмент культуры салідарнасці, які дасць новыя магчымасці ўзаемадапамогі.

ЯК ВЫГЛЯДАЕ ІНСТРУМЕНТ
Разам з вамі мы створым дабрачынную платформу ўзаемападтрымкі, якой можна будзе карыстацца ўсім, хто лічыць сябе беларусам. Магчымасць папрасіць пра дапамогу будзе ўва ўсіх, як унутры, так і па-за межамі краіны.

Я ЗБІРАЮ КАМАНДУ
Калі ты маеш досвед у працы грамадскіх структур, фандрайзінга, сайтабудаўніцтва, кіравання фінансамі – то я чакаю твайго паведамлення і ўступлення ў валанцёры. Разам мы пабудуем новае і знойдзем на гэта рэсурсы.

Я ЗБІРАЮ ГРОШЫ
Ва ўмовах рэзкага скарачэння фінансавання грамадскіх праектаў, мы мусім разлічваць адно на аднаго. Твой данат пойдзе на распрацоўку плацёжнай платформы і сайта, выдаткі на адміністраванне сістэмы.

Я пачынаю новую справу без фінансавання і каманды, але ж з разуменнем што я буду рабіць, калі і як. А гэта галоўнае для старта.

Працуем далей!