Навошта я тут?

Сусвет змяняецца з шалёнай хуткасцю. Жыццё ставіць перад намі новыя выклікі, на якія трэба шукаць адказы. Апошнія 10 год я працую з грамадскай салідарнасцю - за гэты час было створана шмат цікавых ініцыятыў, што дапамаглі дзясяткам тысяч чалавек. Ініцыятыў, што яднаюць людзей у жаданні дапамагаць і ў патрэбе атрымаць дапамогу. Частка з гэтых ініцыятыў былі пабудаваныя як валанцёрскія, а частка працуюць як арганізацыі з штатам і супрацоўнікамі. Першыя ня маюць патрэбы ў грашох на заробкі, другія - маюць. Апошнім часам знаходзіць гэтыя сродкі ўсё складаней.

Культура салідарнасці мае розныя праявы - данат на патрэбы рэпрэсаваных, падтрымка беларускіх дабраахвотнікаў ЗСУ, ахвяраванне на царкву, ці хворае дзіцяці. І я вырашыў паставіць эксперымент.

Ці гатовыя беларусы і беларускі рабіць данат на падтрымку тых, хто робіць слова салідарнасць справай? Гэтая старонка створаная ня толькі каб павіншаваць мяне з Днём Народзінаў, ці з іншым святам, але і каб матэрыяльна ацаніць маю працу грамадствам. Калі вы лічаце што я раблю добрую справу - чакаю вас сярод маіх донараў і падпісчыкаў :)

Працуем далей! Баронім сваіх