出嚟職場打滾，作為小薯仔俾人壓榨其實都見慣不怪，只係壓柞你嘅方法有幾mean, 無薪 (+無限) OT 已經是基本，有良心嘅公司可能會有飯錢的士錢claim, 乜都無嘅就自己諗下仲O唔OT 啦 🤔 依家仲有BYOD (Bring Your Owner Device, 唔係環保嗰個BYOB) 即係我返工要帶自己電腦？係，要自己帶備工作工具！唔係簽咗employment contract 我以為個case 係自僱🤪 小編上一份工係冇枱頭電話，咁點搵candidate 見工，咪用private number, private device 囉，subsidy 就當然冇啦，呢啲經歷遲啲再同大家分享下，
今次職場小薯係選擇困難，換轉係你，你會點揀呢？
Option 1 - 減20%人工再加workload
Option 2 - 減$1,500 做多3個月你可以byebye👋🏻
Option 3 - 轉part-time, 減3/4 人工同workload
有3個choices 有得揀係咪好好呢！有得揀喎，直頭當你係老細啦！
成日都話 #小朋友先要揀 ，我係大人Why not both 😂 睇真啲，無論你揀Option 1 2 3 (定係要晒🤪) 你都要輸喎，
Option 1 - 又減人工又加workload (不過我哋每人每日係都係得24個鐘，你唔自願 OT 都做唔多好多嘢，除非你本身個位冇乜嘢做)，所以重點係減人工
Options 2 - 都係減人工，仲要extend probation, 講到明個位只可以做3個月 (咁extend probation 嚟做乜？你炒我嗰陣代通知金賠少啲？) 仲要包做晒啲project 先先走得？！如果我做唔晒你再extend 我3個月定唔使做先？到時三個月又三個月 (小編即時出現 無間道 嘅畫面)
Option 3 - 好似最公平 係咪？做少啲，人工咪出少啲囉… 腦細我搵全職，唔係兼職喎，而且你點去計1/4 workload 先，通常結果都係無限做, 做唔晒可能你會OT 做 (不過OT 係你自願，腦細梗係則則膊唔補水啦)，keep 得住份工但做到暈😵💫
咁揀咩好呀😩😩😩
揀過份工啦，當見識吓咩叫無良僱主，就好快啲執好份CV 再上路啦，搵工嗰條路呀！ 加油啦 💪🏻
