Прывітанне,
Амаль паўгады назад невялічкай камандай мы запусцілі анлайн слоўнік http://nisho.me сучаснай беларускай гаворкі з розным слэнгам. Было шмат меркаванняў, паплыве ці не паплыве караблік. Паплыў і даволі жвава. Гэтыя паўгады паказалі, што носьбіты хочуць і могуць дадаваць словы і выразы, якімі карыстаюцца паўсядзённа. На сёння больш за 200 зарэгістраваных удзельнікаў слоўніка, больш за 750 дадзеных словаў.
Летам мы вырашылі спалучыць намаганні мастакоў з нашымі і стварылі каляндар на 2024 год. Сам каляндар выглядае як на фота, яшчэ можаце пагартаць інсту @nisho_slounik =) Мэта календара - сабраць рэсурсы на далейшую дзейнасць. Бо http://nisho.me цалкам валанцёрскае пачынанне і залежыць ад падтрымкі супольнасці.
Мы ўжо разаслалі каля 30 календароў у розныя куткі свету. У Беларусь пайшло 16. Сярэдні час дастаўкі ў тым ліку у Беларусь звычайнай поштай каля 2 тыдняў. Таму, калі вы збіраецеся падтрымаць беларускіх мастакоў, рэсурс Нішо і набыць каляндар, разлічыце гэты час на дастаўку.
Наступную рассылку буду рабіць 10-15 снежня. Калі ласка ўлічыце гэты час.Гэта рэалістычны час на атрыманне перад Новым Годам.
Набыць можна тут (у тым ліку ПФД версію):
https://www.buymeacoffee.com/nishoslounik
А таксама стаць нашым патронам і данаціць месяцова невялікую суму. Кожны данат альбо набыты каляндар нас натхняе варушыцца больш.
Яшчэ... Вы жывеце у Варшаве? Можаце замовіць папяровую версію, напісаўшы мне наўпрост.
ЗЫ
Наогул зараз у слоўніку 750 словаў. Мэта да вясны сабраць 1000 словаў. Таму, калі вы на нуле, але вам падабаецца пачынанне Нішо, дадавайце словы і выразы з сучаснай беларускай гаворкі, тым больш калі вы не хнаходзіце іх у класічных слоўніках
І дакладна нішо будэ)