Увесь мой музычны Трэдс абмяркоўвае, як па-геройску ці, наадварот, бессэнсоўна з дапамогай забароненых рэчываў сышоў рэпер Паша Тэхнік.
Але такіх прыкладаў, калі чалавек сістэмна і па раскладзе сам сябе закапвае, хапае і ў беларускай музычнай тусоўцы. Спадзяюся, што гэты спіс у бліжэйшы час не працягне, напрыклад, Сяргей Міхалок.
Вялікай стратай для беларускага і, як мінімум, еўрапейскага метала стала смерць гітарыста, клавішніка і кампазітара гурта Gods Tower Аляксандра Ўракова. Да 29 год ён напіў цыроз печані і паставіў гурт на паўзу. Так, «хозтовары» адрадзілiся ў 2010-м, але вярнуцца на былы ўзровень ужо не здолелi.
Уладзімір Мулявін разбіўся на машыне. Яго «Мэрс» вылецеў у кювет і расплюшчыўся аб дрэвы. Мулявіну пераламала пазваночнік, і яшчэ 8 месяцаў ён правёў у шпіталі, але так і не аднавіўся. Існуе версія, што ў той дзень Мулявін пасварыўся з жонкай і сеў за руль п'яным. І гэта не была выпадковасць, бо на працягу ўсіх 90-х маэстра шукаў падтрымку ў бутэльцы.
У гэтай жа вясёлай тусоўцы са сваімі недарэчнымі смерцямі знаходзяцца другі вакаліст «Нейра Дзюбеля» Юрый Наумаў і гітарыст «Ляпіс Трубяцкі» Руслан Уладыка. Паскуда і Пан загінулі ад траўмаў пасля п'яных боек.
Павел «Jason» Карнюшын з IMPRUDENCE таксама не вёў цвярозае жыццё. Аднак фатальнай куляй стала эпілепсія, няўдалае падзенне і траўмы, з якімі дактары ўжо нічога не маглі зрабіць.
У поп-музыцы, напэўна, самым сапраўдным «рок-старам» можна назваць Аляксандра Ціхановіча. Яшчэ з канца 80-х ён закідваўся ўсім, ад чаго можна балдзець. Але, здаецца, завязаў, прыйшоў да веры і замольваў бурную маладосць. Нягледзячы на моцна падарванае здароўе і рэдкую хваробу лёгкіх, Ціхановіч пражыў 64 гады. I гэта на 25-30 гадоў больш, чым у іншых згаданых музыкаў.
Дарэчы, наконт хваробы лёгкіх. Вывучаючы прычыны сыходаў беларускіх рок-зорак, часта сустракаецца дыягназ пнеўманія ці нешта падобнае. Такое было ў Кулінковіча, у Вольгі Самусік з «Tarpach», «žygimont VAZA». А алкаголь займаў у іх жыцці значнае месца. 
Калі паглядзець на дыягназ смерці Пашы Тэхніка ў СМІ, то 100% паражэнне лёгкіх – кома – ...
Усім здароўя, дыхайце вольна.