唔少人黎到英國後，開始左第一年嘅settledown，亦正式開始左：租一年被kick out 、再租一年再被kick out嘅無限循環，而最痛苦嘅係，經過在退租時被業主食按金。
人妻先生在六年租了四次樓，呢度係我嘅退租心法：
Professional cleaning係瘋狂的清潔，四個字就係「一塵不染」，如果對方係請第三方公司去驗你，佢係會每個角落就算得粒塵都會打個交叉，簡稱 #塵得刪 （❌），除此之外，香港人好多都搬屋時冇清潔個櫃，淨係拎走晒啲野就算，在驗屍官的眼中，每個櫃內外都要抹得一乾二淨。當中原因好簡單，對方受landlord 委託，佢收landlord 100，如果可以幫個landlord 咬返200，landlord 一定開心仲會長做長有，呢個係一條產業鏈。演化落黎只係會越來越吹毛求疵——A公司幫我咬到200、B公司幫我咬到300，我未來當然會幫襯B公司，所以這些公司絕對會不違餘力地去搵辦法打你按金嘅主意。
咁有咩方法接招呢？
首先，租樓時避免嗰啲租一年就會踢客嘅盤，你可以問下個agent上一手個客住左幾耐（當然人家也可以說謊），但通常越少踢客的業主，對於這些的要求也較低，食開按金嘅人會年年翻尋味，唔食開按金嘅通常都唔會太常踢客。
其次，睇你入伙時嘅報告有幾詳盡，同埋對方有冇請物業管理公司或顧問公司出報告。一般來說，如果是有用物業管理公司的話，你嘅遷出就一定會有呢啲第三方驗屍公司跟住黎，個人而言，你就準備好棺材，不，是準備好錢財，你搬走時俾佢扣，你可以理解成「租金的一部份」（🤡），如果你有小朋友或寵物的話，我只能說句：節哀順變…
雖說這是「租金的一部分」不過都有扣多同扣少之分。人妻先生試過扣£50，也有試過想扣£200的。其實一切都係有得上訴有得傾，最緊要係你入伙時都當自己驗樓師咁，每一個牆角，每一個位都拍好晒相、影好晒片，一開始收樓時同返物業管理公司匯報返大家落晒record，到你遷出之時，佢就無辦法扣到你租。
至於我呢… 今次我搬屋退租，業主沒有用管理公司，所以是她自己來驗樓，那就簡單得多了。我委託了我的鐘點姐姐做professional cleaning，盛惠£130（佢原來開價£100，我俾多£30同佢講佢值更加多）結果係間屋乾淨到發光，真係一塵不染。業主好滿意亦好感謝我修好了她的浴室、換了廁所板也換了個新門鐘，這次是100%收回按金。
#開心到不要不要的
#百三鎊做ProfessionalCleaning其實好抵
#街外公司隨時200鎊
#不過佢自己袋晒130鎊cash
#我好識做人嘅
#該俾cash時就該俾cash
#搵食艱難
#你懂的