在Facebook 見到陳醫生話「不如給「無咁新人」一些機會和關注。」我的眉頭不禁一皺，我明白佢嘅意思，但我今次唔太同意佢嘅講法。
大家試下近十年搵一套警匪片，係無張家輝、劉青雲、任達華或者劉德華嘅，你數到幾多套？你又望下無線嗰堆老將，大佬真係由細睇到大，睇黎睇去都仲係同一班人。難道過去十年，就無一班「冇咁新人」？？？點解難得有一班新人衝到出黎後，就要佢地讓條路俾班「冇咁新人」？這是娛樂圈關愛座的概念嗎？
再者，香港市場容得下多少粒星？呢條問題係一個偽名題，點解香港嘅星只能留在香港（和中國）的市場？你望望日本AKB48，人家一團有多少人？是不是整個日本得返一團AKB48？韓國男團也是一浪接一浪，哪怕是外形不英俊的PSY也有一曲江南Style橫掃全球，香港暫時有誰？呀Bob？？？
位一直都有，只係無人有本事上。如果讓個位俾班「無咁新人」，佢地嘅目標同著眼點只係香港市場、下一站天后，而唔係打算放眼亞洲，甚至世界，呢班人真的不配去獲得香港人的愛戴和支持。
#當廖啟智生前都拍緊Netflix嘅時候
#班無咁新人仲簽緊TVB啲膠劇
#怪誰呢
#花姐Mike導由幕後玩到幕前
#連七羽仙都風生水起
#呢個年代技不如人的機會遠大於懷才不遇
#條路好大好闊
#唔好成日叫人讓路
#有本事咪自己行一條出黎囉
#條路寫住你個名咩
#唔支持你係咪要學匪趣台咁報警