Денес, 20.август.2024, на полноќ завршува повикот за финансиската поддршка на проектот „Историја на Македонската рок музика, 1963-2023“. На околу 12 часа пред завршување на повикот за финансиски придонеси за проектот, тој е реализиран со околу 70%.
Со задоволство сакаме да ве информираме за последните подготовки за проектот кој е извесно дека ќе се реализира.
Дел од локациите за предавањата се веќе познати
Поголем број од локациите на кои ќе се реализира аудио-визуелната и наративно предавање се веќе договорени.
Привршување на Монографијата за Горан Трајкоски, промоцијата е планирана за ноември 2024
По монографијата за бендот Мизар промовирана во март 2022, деновиве Филиповски неуморно работи на подготвувањето на деталите за едночасовното предавање. Паралелно тој ја финализира неговата следна книга што се однесува на делото на Горан Трајкоски - ГоТра (Монографија за Горан Трајкоски) со цел да биде издадена и промовирана на престојната ПИН конференција na 30 ноември 2024.
Последни подготовки за предавањата
Овој период Филиповски е посветен на подготовка на материјалите за македонските рок приказни.
Структурата на предавањето е веќе артикулирана. Во план е хронолошки преглед на развојот на македонскиот рок, преку преглед на некои од највлијателните бендови, нивниот развој и трансформација низ декадите, како и специфичните под жанрови на рокот и стиловите на музиката во изминатите декади постоење на македонскиот рок. Во план е хронолошката приказна за македонскиот рок да биде зачинета со најинтересните анегдоти поврзани со луѓето и бендовите што ја испишувале македонската рок историја.
Се разбира, за оние љубопитните и заинтересираните по предавањата во неформалниот дел на настаните, Филиповски ќе биде повеќе од расположен да ги раскаже деталите кои тој ги акумулира со децении.
Депонирање на книгите на Филиповски во Конгресната библиотека во Вашингтон и во депото на Халата на славните во Кливленд
Фотографија направена и испратена од Конгресниот центар до Филиповски. За жал, ова е целиот арсенал публикации за Македонија во една од најголемите библиотеки во светот со повеќе од 30 милиони книги на околу 470 јазици. Оваа колекција во септември ќе биде зголемена со сите книги од Тошо Филиповски.
Веќе е договорена средба со претставници од Конгресната библиотека во Вашингтон. Целта на посетата на Конгресната библиотека е депонирање на останатите три книги на Филиповски, покрај „Македонската рок енциклопедија“ која веќе е на полиците резервирани за литературата од Македонија.
Исто така, веќе е воспоставен контакт со претставници од Рокенрол халата на Славните (Rock&Roll Hall of Fame) каде што Филиповски ќе ги депонира своите книги што ја раскажуваат приказната за македонската рок музика и дискографија. Покрај депонирање на книгите на договорената средба во план е тема на дискусија е да биде и можноста за поставка на артефактите што ја раскажуваат приказната за македонската рок музика.
Последен повик за поддршка со финансиски придонес за овој проект
На полноќ во вторник на 20 август 2024 завршува повикот за финансиска поддршка на проектот „Историја на Македонската рок музика, 1963-2023“ што за главна цел има да ја раскаже приказната за македонската рок музика и нејзината историја. Реализацијата ќе се состои од серија предавања што вклучуваат аудио-визуелни и наративни елемент. Реализацијата во неколку градови во САД ќе ја направи носителот на проектот Тошо Филиповски во период од 3 до 30 септември 2024.
Финансиските прилози се неопходни за сеопфатно и што е можно поквалитетна реализација на проектот. Придонесете со ваш финансиски прилог за ова парче од големиот мозаик на македонската рок музика и приказните за него.