ПОВИКОТ ЗА ПОДДРШКА Е ЗАВРШЕН НА 20 АВГУСТ 2024. ВЕ МОЛИМЕ НА ПРАВЕТЕ ПОВЕЌЕ УПЛАТИ.
ПРЕКУ ОВОЈ СЕРВИС (BUY ME A COFFEE) ЗА ОВОЈ ПОВИК ОБЕЗБЕДЕНИ СЕ $2.985, А НАДВОР ОД НЕГО ВО РАМКИ НА ПОВИКОТ И НАД $3.000. ВКУПНИОТ БРОЈ ПОДДРЖУВАЧИ ПРЕКУ ОВОЈ СЕРВИС Е 61. ПОВИКОТ ГО СМЕТАМЕ ЗА УСПЕШЕН, А СРЕДСТВАТА ЌЕ БИДАТ ПОТРОШЕНИ ЗА РЕАЛИЗАЦИЈА НА ПРОЕКТОТ.
НА СИТЕ ОВИЕ ЛУЃЕ ИСКРЕНО ИМ БЛАГОДАРИМЕ ЗА ПРИДОНЕСОТ ВО ОБЕЗБЕДУВАЊЕТО НА СРЕДСТВАТА ЗА ОВОЈ ПРОЕКТ. ❤️
ПРЕКУ ОВАА СТРАНА ОСТАНУВА ДА ВЕ ИНФОРМИРАМЕ ЗА РЕАЛИЗАЦИЈА НА ПРОЕКТОТ, А ПО НЕГОВОТО ЗАВРШУВАЊЕ ВО ПЛАН Е ФИНАЛНО СУМИРАЊЕ НА РЕЗУЛТАТИТЕ И ВПЕЧАТОЦИТЕ ОД ПРОЕКТОТ.
ЗА ПРОЕКТОТ
„Историја на Македонската рок музика, 1963-2023“ е аудио-визуелна изложба и предавања низ неколку градови во САД.
Проектот е осмислен како двочасовно предавање за почетоците, развојот и сегашноста на македонската рок музика, сватена во поширок контекст (блуз, џез, фанк, панк, хеви метал, рап, алтернатива, инди, прогресив.....). Серијата предавања ќе вклучат и аудио-визуелни презентации на македонска музика и музички артефакти (фотографии, изданија, часописи, фанзини итн...) од пребогатата македонската музика историја. Самата идеја и потребата од едни вакви предавања е иницирана од македонските иселеници, во периодот кога ја создавав “Македонска Рок Енциклопедија, 1963-2018, Прв Том”.
Главна цел: Запознавање на младите генерации, со македонско потекло а кои живеат во САД, со богатата македонска урбана музичка историја.
Примарна таргет група: Младите генерации на македонската дијаспора во САД.
Останати цели: Депонирање примероци од книгите чии автор е Тошо Филиповски во Конгресната библиотека во Вашингтон (Capitol and Library of Congress) и во музејот на Рокенрол холот на славните (Rock’n’Roll Hall Of Fame) во Кливленд. Веќе е остварен контакт со спомнатите институции и тие се во очекување на средба и примероци од книгите.
Период на реализација: од 3 до 30 септември 2024 година.
Предвидени локации за посета:
➡️ Њу Јорк (потребните средства се веќе обезбедени од Министерството за Култура)
➡️ Њу Џерси
➡️ Вашингтон
➡️ Чикаго
➡️ Детроит
➡️ Кливленд
➡️ Атланта
➡️ Тампа
ПОВИК ЗА ФИНАНСИСКА ПОДДРШКА
Потребни средства: Овој повик доаѓа по неуспешните обиди да се обезбедат потребните средства преку спонзори, донатори или некои македонски организации во дијаспората, и конкретно е последен обид на собирање на потребните финансии за реализација на серијата предавања низ повеќе градови во САД во кои има концентрација на македонската дијаспора и кои изразија желба да организираат еден ваков настан. Средствата ќе бидат потрошени за транспорт, сместување, исхрана и оперативни трошоци за реализација на предавањата.
Таргет сума за реализација на проектот: 4.000 USD
Краен рок: 20 август 2024
---
ЗА ТОШО ФИЛИПОВСКИ
Публицист, издавач и рок хроничар. Пасиониран вљубеник во рок музиката со особен фокус на македонската рок музика и посветен автор на содржина за истата, што ќе остане како наследство за идните генерации од кои очекува продолжување на раскажувањето на приказната за живописната македонска рок музика.
Recent supporters