無聊時你會做咩？行街？睇戲？2ch好興玩一樣叫你講我做嘅互動接力PO
原文寫做安價，諧音Anchor，樓主隨機指定一個樓層再依該樓回覆嘅內容行動
之前做過一個本地化演繹嘅PO講一個中學雞開你講我做PO而溝到女，未睇過可以搵嚟睇
今次事件係2011年 2ch一位網友開咗個PO叫「你講我做 聯絡一年前自然散咗嘅女友」
※以下粗體字係原PO樓主嘅發言 引用粗字係被採用嘅你講我做留言 斜體係本人註解
呢件事除非係睇原PO，否則喺其他網站度睇嘅話都係一個經大手剪輯嘅版本
我可能係地球上唯一全貌嘅轉載，而我會盡可能用唔令人睇到頭暈嘅方式盡量還原
而你睇到一半我相信你都會明點解大多數網站都要大手剪輯，我都有諗住一樣咁剪 因為剪咗好睇好多
好得閒冇嘢做，有需求嘅話想玩
搶2樓
搶3樓
樓主但搶到4樓
喂指定樓層呢？
可以玩得？咁>>8唔該
#7
推
#8
我好想色色
樓豬係咪已經色緊？
>>8 send咗
果然係呢啲
樓豬同條女咩spec？
spec
我 24
開緊工
女 22
寵物美容師
下文呢？未覆？
佢未覆，繼續住先
>>17
#16
推
#17
女朋友靚唔靚？
#19（17樓嗰位）
oh…sorry
>>17 已send
冇反應... 佢係咪已讀不回？
#22（都係17樓嗰位）
er…..sorry... 唔覺意玩串咗個party...
佢覆喇
「做咩？咩色色？
我又點會有女朋友喎」
繼續>>27唔該
#24（都仍然係17樓嗰位 去到呢度我畀個記號佢）★
好在意女朋友點樣理解>>8同我搞亂檔嘅>>17
#25
點解自然散咗？
>>24 我諗佢唔知咩係色色又或者扮唔知
搞亂檔嗰個我諗佢無視
#27★
但我女朋友係你，咁耐冇見想來一發
>>25 係因為覺得最近好似冇咩聯絡，但原來係已經成年冇聯
>>27 send了
講起嚟我只係同佢做過一次咁大把
★
成年冇聯咁你地拍咗拖幾耐？
我諗拍咗拖一年都冇，我哋去見對方都起碼要成個鐘車程大家又忙所以冇咩點見面
覆咗了
「我哋重拍緊拖？」
咁即係點？
>>39接力
#33★
一粒鐘咁都冇計，咁樓豬有冇諗同佢復合
>>33 呢層就交畀各位巴打決定
#36
推
#38
我重鍾意你
#39
我想同你啪啪
原文女友係問我哋重付合緊 付合係解拍拖 呢位網友嘅回覆係想同你突合 突合係解刺、拮呢類動作 引伸成扑嘢
★
笑左
笑埋右
>>39 send咗出去
Good Job
★
好似開始有啲睇頭！重諗住引導到好似我咁分手收場添
抵我由2點幾鐘開始留意住呢個PO
而家7點幾
★
期待佢點覆
佢覆喇
「啪啪？」
詐傻扮懵啦佢
>>50唔該
#49
好想扑嘢喔
#50
你唔好詐傻扮懵啦喂呀！
嗱我真係唔知點譯 原文係用鳴門嘅口吻講出嚟 為此我摷咗集TVB配音Naruto嚟睇都搵唔到有特別嘅口吻或者口頭禪 所以用喂呀呢個口吻嚟代替 恕我無能
#51★
我一直都重鍾意你
#52
我講想啪骨啫
原文寫劍擊 係對應上面原文講想突合（拮）你 但為咗同原文一樣食拍拖個拍同啪啪個啪近音 唯有犧牲一下呢度個劍擊
>>50 send了
★
有預感復合
覆咗喇
「Naruto？（笑emoji）」
嚟啦>>60
#57
推
#58
Tui
#60
我可以借我後面畀你
#61
咁你就係長治啦
Naruto角色
>>62 我頂唔想send...
但send！
#63★
我一路都係咁鍾意你㗎喂呀
#64
推
樓下當選
遊戲規則如果喺接近指定樓層comment啲唔係用嚟你講我做嘅嘢要先自我申報中咗嘅話畀下面嗰層
#65★
如果係同我講嘅話就唔覺得好笑喇...
點解？
#68★
用三行概括
條仔俾
男仔friend
食咗
>>68 哇屌咁慘！
佢又覆咗
「後面？唔明即係點解喎」
繼續>>74
#70
>>68 oh shit... 你係絲？咁的確好惨情...
#72
>>68 don't
#73
按摩棒，你懂的
#74
我講緊想你啜我屎忽
>>74 已send
★
>>69 隨便笑啦到你要借屎忽出去嗰陣我幫手
>>70 係絲，不過有陣腐臭味咁啫
>>72 謝 做開CD ROM好少出聲
後生仔女覆message真係快手！
「你搵我咩事？」
咁無聊㗎
>>82唔該
#80
我想再同你合多次體
#81★
想再次同你纏綿
#82
我忍咗成年腫晒唔信你睇下
#83
好耐冇見想見下你個樣 sorry講咗咁多無謂嘢
可以嘅話你邊日得閒？
#84
幫我打J
>>82 send咗出去
★
>>82 前一個同後一個回覆咁正經顯得呢個好搞鬼
>>82 奇才
覆咗了
「冇嘢丫嗎？」
覆得真係無聊
下面唔該>>92
#90★
有嘢...我想見你好想見下你個樣
#92
我條J出咗家
剃咗光頭，講真
#93★
復合嘅預感消失
>>93 復合唔到啦
>>92 已send
★
樓豬你放棄復合啦
我介紹我嗰個男仔frd你識我就同男朋友復合！
終於到戲肉喇喂！
>>95 咁不如你同我一齊
覆了
「頭先開始已經唔明你做咩」
呢層當然
>>100 唔該
#98★
我係腐女嚟... 你會頂得順？（所以之前男朋友先咁寶貴...）中咗嘅話樓下當選
#99
我咩都唔會做，淨係想榴槤喺你身邊...
呀講錯咗，唔係榴槤係菠蘿先啱！
原文係寫「想留喺你蕎麥 呀講錯係烏冬先啱」 蕎麥同身邊同音 即係將想留喺你身邊寫成想留喺你蕎麥 呢度我食榴槤同流連同音
#100
你嘅溫暖係必需！
對我條J嚟講
#101
>>98 其實腐女又有咩好怕喎專一唔派帽就得啦
#103★
>>100 睇頭嗰句重以為係幫手復合
>>101 多謝！我唔派帽的係俾男朋友派
完場？
>>98 唔係問題
>>100
已send
（都係101樓嗰位）
>>103 明明同條專一嘅女一齊都出軌作為青頭我睇唔透
諗深一層條仔中途轉基係咪就係佢自己做成？
俾人搶咗男朋友好down諗住嚟搞亂檔
點知樓豬又幾好人
多謝！
重追唔追擊？
★
um…如果話好鍾意啲二次元角色都算唔專一嘅話冇嘢好講
但唔出軌唔係正常㗎咩？
係咪我整gay佢呢層... 因為我係腐女所以同男朋友做嗰陣都試過毫不猶豫咁搞佢後面... 雖然我唔畀我後面佢搞....
◎（呢個都係101樓嗰位 呢度我又唯有畀個記號佢）
重未覆？
未覆
繼續住先>>116
#113◎
二次元呢啲只係理想嘅投射啫 希望我會遇到個唔會呷寧寧醋嘅女仔！
由於係2011年 所以我估佢講嘅係NDS/3DS嘅互動戀愛遊戲《Love Plus》系列嘅女主角姉崎寧寧 當時有新聞報過有個宅男同姉崎寧寧（佢部NDS）搞婚禮 亦有另一條友喺自己嘅婚禮度帶埋姉崎寧寧（都係佢部NDS）出席 點知俾老婆當眾用槌仔扑爛部機
#114
鬼唔係人哋見你唔認真講嘢費事覆你咩
#115
快啲覆我呀喂呀！
#116
醫生話我得返半年命
你唔好同其他人講 sorry send咗咁多無謂嘢... 不過我都好快send唔到嘢畀你㗎喇...
忘記我呢個on9仔啦...
#117◎
我想同你復合呢啲咁難為情嘅嘢太難講出口！唔好要我直接講啦！
突然轉風格嘅喂
>>116 Good Job
★
>>113 我對二次元好寬容，如果對方都包容我對二次元嘅話
對男人嚟講二次元係用嚟J
呢方面你都冇問題？我到而家都瞞緊條女
★
>>116 呢個timing叫人當唔當你搞gag好
>>116 呢啲咩電視劇橋段
不過對方可能都聞到味覺唔妥
>>116 Nice
已send
★
男人本身就係一種要J嘅生物 如果要介意咁AV同寫真嗰啲咪有排介意？
◎
放膽去愛二次元啦！會肯理我嘅都係得寧寧一個！
★
睇落好似係理想嘅男友...你咁講嘅話唔通你係處男？！
◎
堅青頭仔... 外表唔好啲女人對我冇興趣
所以先對寧寧一條心...
★
我識咗男朋友10年（最初6年作為普通朋友） 講真佢都唔係靚仔
外表呢啲嘢我覺得冇所謂
◎
俾人話過我係潛力股肥仔
而家瘦
我是樓主，去食飯轉個頭再返嚟
◎
一陣見啦樓豬book已mark
覆咗記住返嚟話畀我哋知
★
等陣見啦樓豬
#137
趁樓豬唔喺度嘅時候我宣布呢度變圓圈◎同星星★嘅打氣區
◎
講真我對鍾意二次元靚仔呢樣嘢好有同感！我都好鍾意最遊記個三藏
★
我都幾鍾意三藏一行人
◎
我覺得就算當係BL鍾意都冇問題開心就得
關俊彥把聲係幾好J
最遊記三藏聲優
★
潛力股瘦咗出街應該都幾有睇頭
你係咪關西人？
◎
我係缺乏感性嘅東京人...
★
我長野 um…有啲遠...
>>137 幾時變咗咁
哎呀 呢個明明係人哋嘅PO嚟...唔好意思估唔到腐女都有人關心所以有啲驚訝
◎
遠？點解在意遠？唔通在意我？！
#146
而家知原來同腐女拍拖之後會被開發後庭會好好參考
請繼續不辱腐女之名去令更多男人轉gay啦！
◎
好似騎劫咗個PO... 樓豬對唔字...
★
冇嘢嘅樓豬自己都話嫌一個鐘車程又盛唔知想唔想復合
而家我個腦都唔識諗嘢腐女喺三次元俾男人搶走男朋友呢樣嘢都冇諗過
◎
希望你可以幸福盡快搵到新戀情！我都會努力
夠喇你兩個由朋友開始發展啦！
★
>>146 認真答只係我唔抗拒搞我男朋友後面啫你當全部腐女都係咁會好大鑊
雖然咁講好似有啲咩，但腐女圈間中都有啲人好癲
◎
我睇過有篇潮文
點解一路都冇人提圓圈◎有時會出現摩天樓呢個又娘炳又中二嘅名...
紫字貌似有時唔記得開匿名會顯示個名叫摩天樓
★
你係講G縣廚事件？
雖然未去到咁誇張，但我都試過俾啲類似嘅人騷擾過
所謂G縣廚事件係指有一個同人作家俾一個瘋狂fan屎騷擾 話要一齊出作品所以要去佢屋企 個瘋狂fan屎重連埋幾個frd一齊去騷擾個同人作家又恐嚇又盛 搞咗段長時間 最後結果班人拉嘅拉改過嘅改過 主腦G縣廚送咗入精神病院
◎
詳細係點唔係好記得
★
嗰篇嘢所寫嘅我都覺得恐怖...
不過腐女確實有咁恐怖（我冇資格講）
◎
你識得同人講同類嘅恐怖之處我又唔覺得你會有咁得人驚
★
就算係同類如果對危害到自身安全都會驚啦！
話唔定只係我自己唔覺... 喺其他人睇起嚟我都一樣係咁恐怖...
◎
唔知呢？亦有可能只係得唔到理解啫
我讀中學嗰陣身邊全部都係腐女宅女，所以我就唔多介意呢啲嘢喇
★
哈哈！咁至少都要注意下進入社會嘅時候唔俾人手指指嘅
唔知點解，好似覺得今日唔係做CD ROM有留comment真係好！
OK～send個message同男朋友講分手先！
◎
乜原來未分手？！
總之加油啦！
★
就算係腐女都到見到男朋友俾人爆緊嗰陣都唔會話「我就係想要呢啲」只係逃離咗現場咋...
然後，我班腐女frd重有人係咁話圖呢send嚟睇下咁...
◎
正所謂唔係發生喺自己身上唔知慘...
不過唔係淨係得苦事，正面啲活下去啦！
喺我老婆同我講離婚嘅時候，呢度都係講分手嘅話題
連同類都覺得驚... 腐女嘅恐怖真係深不見底...
我都係搵個普通女仔做女朋友算...
講開
樓豬呢？
禾系樓豬，好咩好似個PO唔同晒咁嘅
重玩唔玩你講我做？
◎
對方覆未？
★
樓豬終於返喇！歡迎歸位
好嚟啦 >>181唔該
#181
出屎忽嘅一等賞
#183
重未有扑嘢直播？
已send
★
守遊戲規則！
send緊分手message畀男朋友但我緊張呢度多啲！
#190◎
gay佬男友咩反應？
佢覆喇
「你好似好hyper咁喎」
咁
繼續>>198唔該
#193★
>>190
我→gay「關於今日件事 我想分手」
gay→我「你重嬲緊...？」
我→gay「當然」
gay→我「我諗住可以做你嘅題材」
我嬲嬲地所以冇理
#195◎
>>193 同佢講「你唔好同我講笑喇你個黑洞屎忽」然後忘記佢啦！
★
#196
好耐冇同你傾偈所以先咁hyper！
#197
條丁都扯到好high！
#198◎
同鍾意嘅人傾偈當然開心！
#200★
>>198 終於抽中啲正常嘅回覆！
呀，我同gay佬講「咁拎你做SM嘅題材好唔好」
當然我冇出SM題材新刊嘅打算
好似出現些微嘅復合曙光喇喂
◎
>>200 Good Job 係幸福嘅第一步
★
對頭先嘅SM，gay佬嘅回覆係「唔好玩啦 頂得順腐女嘅除咗我都冇其他人啦」
搞到我都想徵返個你講我做
>>198 我send咗喇！
★
用嚟返gay佬嘅 >>210 唔該
#209◎
咁有香蕉你塞唔塞呀屎忽鬼！
容我中場蒲一蒲頭 因為2ch匿名淨係靠個爛鬼ID認人 而佢哋又會中途ID唔同咗
如果你覺得亂嘅話 sor9ly 我都係 佢哋自己都係
亦有部份原因係我故意保留原本呢種氣氛等大家約莫感受下原本睇起嚟係咩感受
#210
頂得順腐女嘅人多到腐爛
◎
>>210 Good Job
★
>>210 Good Job我一於咁send畀佢
>>210 好波
我係樓主是也，好似愈來愈亂不如都係停咯...
★
佢覆得好快
gay佬「你搞笑？你都OO歲啦 除咗我之外你重可以搵到人拍拖結婚咩？」我明明同佢一樣大更何況比起gay佬我更有可能結得成婚啦下話！
愈睇愈難睇...
開過個PO好過啦
未有回覆？
#219◎
星星★借問聲幾歲？
結婚嘅話我可以我青頭
上面交換聯絡啦...
祝幸福
★
>>219 我上面段嘢先遮咗年齡嚟...
我27
嗚哇樓豬對唔住我呢邊純粹嗌交... 我都係停...
◎
原來係大過我嘅姐姐
唔好意思問你年齡...
回覆喇
「errrm?你重鍾意我？」
咁即係點？
★
我應該點做好呀對方未覆
◎
啲淨係識吠嘅男人要唔要都罷啦！你咁同佢講啦
#234
同佢講sorry喎我而家同個靚仔text緊係咁先啦！呀嗰個靚仔今次你冇份！
定係不如星星★你同我一齊算啦
★
樓豬你立緊復合flag你加油同女朋友復合啦！
其實你都唔錯
★
呢句說話你留返同女朋友講啦！
<<234 好似唔錯佢send咗堆粗口畀我咁我send返呢句畀佢！
◎
星星★加油！
希望你可以搵有新男友！ 呢度又有樓豬可以做候選人！
★
你咁講即係已經將自己排除咗在外喎
我呢邊係同男朋友分手
樓豬呢邊係復合flag
◎
我係年紀比你細嘅青頭... 雖然我都鍾意大過我嘅
有新flag！
★
新flag？咁樓豬嘅復合flag呢？
◎
我同你變咗有flag點解嘅？
★
咦唔通圓圈◎抗拒我？總之作為女仔我好關心樓豬同女朋友而家點
幫手打氣
我會加油努力！
er…我好似搞亂咗樓豬同圓圈◎...
樓豬→腐女→圓圈◎ 係咪咁？
樓豬同摩天樓圓圈◎→腐女 應該係
我係樓主，唔係腐女
樓豬做咩？你想搵新女咩？你唔想要你女朋友咩？
唔係...只係上面啲氣氛好似係咁...
◎
我冇抗拒你呀星星★
如果樓豬你想復合嘅話就去啦 反正最終決定權喺你自己度
我一開始只係想接下力
◎
即係結果係點你都冇所謂？但你都冇指定下一棒
都冇得繼續
總之而家喺呢個PO得知係
腐女其實好搶手
腐女嗰邊有冇咩發展？
★
係咁打嚟好煩我cut晒線！
樓豬同女朋友嘅復合flag出現後在意嘅唔會得我一個呱？！
同埋我被圓圈◎抗拒只係FF sor...
腐女正面啲向前行啦
◎
我冇抗拒你呀喂不過呢度樓豬先係主角冇諗過自己有份啫！
本身年紀細過嘅都唔考慮啦係咪...
★
講返 頭先開始就係咁打電話嚟！
打字我都唔想何況係gay男友把聲！
◎
cut佢線唔好理！佢煩住你就報警！有咩事呢度巴打會合力幫忙
睇嚟腐女嗰邊好似OK
樓豬嗰邊呢？覆咗未？
★
現實生活我好正面向前㗎！只係喺二次元迷路啫
講得啱樓豬先係主角我係咁暴走搞亂晒樓豬個PO 真係非常之sorry...
◎
嗚哇！青頭好易動情㗎咋...
樓豬嗰邊幾時有下一棒？女朋友瞓咗？
去到呢度 呢個晏晝1點幾嘅PO推到夜晚11點
同時我又蒲蒲頭 呢班撚樣換咗好Q多次ID 要搵返佢出嚟好撚辛苦
樓主是也，我諗佢未瞓
繼續你講我做？
下個到>>279
#279
你而家有冇其他男朋友？
#280
sorry 你肯覆我我好開心
#281
答我一句YES或者NO
我哋可唔可以重頭嚟過？我冇咗你唔得...
★
我睇圓圈◎你嘅口吻唔覺得你年紀細反而覺得好似好靠得住咁！
◎
只限網上先會咁咋平時我講開標準語同安道魯語
多謝你讚我！
安道魯語係指幪面超人Blade入面飾演Blade嘅椿隆之對白講都講唔清楚 咿咿哦哦唔知乜up 喺第一集嘅一句大叫嘅對白被空耳成「安道魯魯啦嘰燈跌s架」從而引伸成口齒不清嘅代名詞之一
已send
等覆
風向好似終於吹返啱
#287◎
我下個月24 包皮過長 拉打撚 K-ON廚 青頭
乜似有女仔鍾意嘅要素咩...
覆了覆了
「冇呀～
做咩突然咁問？」
>>294
#289◎
樓豬同女友會點呢？如果冇新男友嘅過好似真係有復合flag
大家加油
#290
樓豬好波騎劫撚咪撚阻頭阻勢自己開個新PO啦！
#291
>>287你同腐女另外開個PO啦
樓下當選
#292
邊有咩突唔突然間！因為我重鍾意你囉！
#293◎
星星★嚟唔嚟我玩緊嘅PO ？「瞓唔着嘅你入嚟」嗰個 大家傾得好開心！
#294★
>>287 又唔使諗咁多點解自己冇女朋友嘅體型興趣呢個個個人嘅喜好都唔同
太睇小自己嘅話我覺得反而會扣分
抽中嘅話樓下當選
如果冇申報嘅話樓豬就要send呢段嘢出去
#295
因為我突然間諗起你
◎
>>294 Thanks！我都成日聽到人咁講
我都識人包皮過長都有SP我會努力！
因為我突然間諗起你
所以扯咗
★
上面呢個正！呀唔得要正經啲
我想睇復合！
硬係覺得你條女好似麻麻地想陪你癲啲on9嘢咁
你send啲on9嘢畀佢都係好平淡咁
★
唔好太期待女朋友會陪你癲啲on9嘢
唔陪癲冇戲好睇
講開樓豬又去咗邊？
◎
樓豬同女朋友都瞓咗？
★
我想知後續
話唔定傾緊電話！
★
電話！復合！希望！
點解腐女咁想復合ending？
★
一開始諗住嚟搞亂檔但喺度樓豬同你哋安慰咗我所以今次想睇返幸福ending！
但又麻麻地睇到樓豬有心好想復合
感覺好似復唔復都冇所謂咁
講開腐女同男友點？男友有可能變跟蹤狂
盡早妥當處理好喎
摩天樓巴喺另一個PO度會搞掂佢
應該冇問題
腐女嗰邊應該完場啦
點解一個PO入面有兩隻你講我做㗎？
要玩自己開PO丫嘛！！
★
而家冇嘢喇，各位有心
講得啱我唔會再暴走真係好對唔住...
樓豬又唔見咗人
樓主是也，對唔字
頭先講電話嚟
★
歡迎歸位！電話？同女朋友？
唔係，係唔關事嘅朋友嚟啫
點樣點樣？
好似俾腐女阻住咗好耐咁，究竟搞咩嚟...
講返上個回覆
我send咗「 因為我突然間諗起你」
佢覆「係咩 我嚇咗一跳」
喺度停咗
繼續>>345
#342◎
你唔使客氣可以講埋係我都有份阻住晒...
#344
樓豬想唔想復合定唔復合都冇問題？
中咗嘅話樓下當選
#345
>>342 你咁好人我都愛上你啦
>>344 呢方面交畀大家
屌自己踩中添 >>348
#347
波波揸揸
#348
今晚餐飯有鮑魚
就喺我舐隻鮑魚嗰陣我諗起嗰一個夜晚！
下次我希望啜嘅係你塊鮑！
>>348 我頂
照send！
個摩天樓究竟想點
又唔係佢自己PO走嚟騎劫人
我作為樓主都唔知點解都覺得有啲難入嚟講嘢
成兩點幾鐘都重有覆？
嚟喇覆喇
「你係咪飲醉咗？你喺邊？」
再接個力>>359
#358
喺你個西度
#359
喺你屋企門口
★
哇！
勁
我屌...
>>359 咁癲
但我照send
變咗跟蹤狂咁... 明明要一粒鐘車程
又覆咗喇
「我出去睇過冇人喎」
講開佢由以前開始都係咁生勾勾
>>370
#366
我喺你後面
#369
講笑！其實係去緊你度，唔好瞓住
同埋準備定condom！
#370
講笑咋！但我可唔可以而家去搵你？
#371
食J lam lam脷
#372
你搬咗？咁我咪即係撳緊唔知邊個嘅門鐘？
>>370 send了
好似都冇啲咩大動靜
係咪覺得條女都幾悶呢
瞓咗？LM
牛明
劉名
因為時間已經好夜 如是者第二日
樓主是也，竟然重有人推PO
瞓咗唔好意思
★
樓豬返嚟喇
歡迎返嚟
歡迎樓豬同腐女歸位
腐女重喺度？喺人哋個PO度搞風搞雨！
★
sorry我唔會㗎喇
我而家好撚憎你
◎
我係摩天樓，對唔字做得過份咗...
想同大家say句sorry 我唔會再入嚟請放心
唔使介意，隨時歡迎你嚟
◎
多謝咁我喺度觀摩下
參加你講我做都得
★
而家咩狀況
最新update
尋晚我send咗「講笑咋 但我可唔可以而家去搵你？」畀佢
佢覆「咁夜你嚟？」
喺度我瞓咗
#411★
咁繼續追擊啦
#412
好似high唔起來咁 追擊？
>>413
#413◎
喺啲唔啱嘅timing度瞓咗
#414★
尋晚咁突然sorry
但我真係有嘢想同你講，可以搵你嗎？
>>413 呀
◎
我屌 timing唔啱嗰個係我...
係我指定得太近啫唔緊要
再嚟 >>421
#419
推
#421
我真係想復合，可唔可以講幾句？
#422
sorry尋晚攰得滯瞓咗
我想同你傾下關於我哋嘅事
>>421 認真mode咁講就OK？
send咗
◎
尋日整亂晒你個PO作為賠罪想happy end
係咩？
佢覆喇
「我明喇
你講啦」
嚟喇喂！
>>430
#429
咁我可唔可以去你度搵你？
#430★
我想同你再一次認認真真咁一齊
如果可以嘅話，我想約你出嚟行下
◎
做到嘢！
>>430 已send
佢覆咗
「OK呀 你想幾時出嚟？」
唔通！
>>438 唔該
#436
幾時都得只要你可以嘅話
#438
今日得唔得？
我着返條決勝底褲！
有冇三行佬寫懶人包？
原文寫今北產業 今即係而家 北同音嚟到 產業同音三行 即係指而家先入到嚟有冇人可以用三行字概括一下而家咩環境咁解 既然都係三行所以我稱呢啲做三行佬
重新出發
嚴肅劇情
轉為笑片
send了！
我有條印住EVA暴走嘅底褲唔知啱唔啱使呢？
覺醒好似正啲！不過暴走都啱使
咁小心啲唔好暴走
有覺醒嘅賣但唔知點解我買咗暴走... 可能喺暴走前就到達活筋限界...
佢又覆了
「今日OK呀 好期待」
無視咗底褲
繼唔繼續你講我做？
今晚去嘅時候做啲咩用你講我做決定？
唔覺唔覺其實向住復合一步一腳印咁前進緊
如果你真係想復合嘅就用自己意思行動
復唔復都冇所謂嘅咪繼續囉
好兆頭
我明喇！估唔到會立支復合flag！
多謝晒你哋
唔知係咪真係會復合到，但如果有咩得意嘢我再開PO同大家玩
等你復合嘅好消息！
你想點做就點做啦
但記住一樣嘢唔好唔記得着你條決勝底褲！
◎
巴打底褲欲好強
底褲好重要！講究係應份！
今日會唔會有結果？
★
放break嚟睇見到復合路線！
等你好消息！
底褲我會着！
個PO重喺度嘅我就喺度報告賽果啦 冇嘅話就開新PO
留定名先
我開工走先
#467
如果樓豬復合到，我就戒玩online game認真做人
>>467 加油！
樓豬加油！
留名
樓主是也 送break返嚟望望
>>467 你講真？咁為咗 >>467 我努力復合！
講起嚟，女朋友會點睇 >>116嗰句
想見下樓豬見佢最後一面？ 我諗去到呢度都有好多人唔記得咗 >>116 係send咗話自己得返半年命
我諗去到呢度都有好多人唔記得咗 >>116 係send咗話自己得返半年命
oh係喎... 我見到佢就直接同佢係假？定係點好？
睇定啲先
到走嗰陣先同佢講話因為冇同你玩April fool所以補玩嚟穿橋
當時係4月
聽落好似又幾得咁！就咁決定啦！
復合到就好！
而家都未知！
個個月都課金買裝，我諗都係時候要從廢人畢業
樓豬可摸耳用固定名
雖然話可以睇ID，但我覺得有少少難認 可能只係我覺得
呢位網友放心唔係淨係你覺得 好心成班友要做啲長線嘅溝通對話就整返個網名啦 啲ID又改咗幾次 啲唔使指定認人嘅內容同對話就話啫 又長又散都唔知邊Q個打邊Q個
咁樣得唔得 ？
樓豬改咗名做復緣隊
留名
LM
流明
黎明
樓主是也，感謝推PO！
準備搭一個鐘車出發
★
去啦去啦！
Good Luck
我上喇！
加油呀樓豬！我都準備派晒啲裝畀啲frd！
派晒佢啦！
★
你咁講係咪即係確定復合先？！
期待
流名
LM
樓名
召喚三行佬寫懶人包
去街
一陣
報告
搞到我都想同2年前自然散嘅女玩下你講我做
你可以開個PO玩下
Hey各位 樓主是也
返嚟喇
等你好耐
咩環境呀？
樓豬嘅冒牌貨？
多謝大家等我咁耐，同佢食咗飯
佢話「係咪一齊返我而家即刻答唔到你 但係如果想見面嘅過隨時都可以見」
係唔係同意復合我都唔知
同大家期望有啲出入唔好意思
不過，唔知由幾時開始我好似心裡面期待緊想復合！
點解個ID唔同咗？
所以咪話要用固定名
其實呢個都唔知係樓豬第幾個ID
咁都唔錯丫 慢慢培養返感情！
點解ID唔同咗嘅？係咪因為Connect嘅Wi-Fi唔同呢？
樓豬而家先第1次發現自己個ID會唔同
願聞其詳！
三行佬唔該！
想見嗰陣
隨時都
可以見
等樓豬上水
樓豬又去咗邊呀？
又第2日
樓主是也 又瞓咗
然後又唔同咗ID
同人去完街後有冇啲爽皮嘢發生？
講真一開始開PO只係貪玩 就算發展成點都冇所謂
但到我再同佢見返面嗰陣我先發覺
我重係好鍾意佢呀！
◎
可以知道自己真正嘅感覺係好事嚟！
呀順帶一提我係呢度嘅全民公敵摩天樓
對唔字 諗住都唔放心腐女所以搞咗鑊粥出嚟
又係你摩天樓
結局咁悶真係sorly
◎
最後有大團圓嘅話我重開心啦！
其實估唔到有咁多好人幫手！
咁到底係點啫？
咁耐冇見佢，覺得佢好似靚咗咁！
同佢食飯傾下以前啲開心嘢咁，呢度冇講啲咩特別嘢
之後同佢去咁機舖玩街霸IV，呢度有少少嘢發生
佢對波掂到我嘅手臂佢一定係特登！佢嗰日着嘅係心口開窿嘅衫同迷你裙
我諗大家應該唔想聽呢啲
繼續繼續！
OK 寫得差唔好見怪
我同佢講我掂到佢對波
跟住佢怕怕醜醜咁唔出聲 好可愛呀！
到打算搭車走嗰陣
佢問我「你個病冇嘢丫嗎？」我先醒起有句咁嘅嘢send咗出去
我同佢講只係April fool 點知佢喊起上嚟
你有病？
佢冇嬲？
Wow真係有採用我嘅April fool！
病係講緊 >>116 嗰個啦
女朋友完全信晒
oh睇漏咗 唔該
我嚇咗一驚...
嗱你哋有份整喊佢㗎！
總之我同佢say sorry，話咗可以想見面嗰陣再見後就回程
係咪好無聊嘅劇情呢
講返 我係着住條EVA暴走底褲！
圖呢？
尋日嘅事嚟冇着啦
因為擔心你知你冇事鬆口氣所以喊？
佢咁應該大機會復合到啦！
咁最後點？
為復合而努力？
定繼續接力？
為咗 >>501 努力復合呱
啲裝係咪已經派晒出去？
好似進展得唔錯
果然底褲係關鍵！
如果只係着普通嘅孖煙囪實100%冇咁順利
事成事敗取決於着咩底褲！記住喇！
下次見面着三角
終於追晒PO
好似happy ending
加油！
#587
唔好意思，啲裝未派
樓豬未完全復合之前我唔會停手！
即係你嘅未來取決喺我嘅手上啦！
好！就為咗你我今日就去搞清楚佢
今晚我會報告返你記住返嚟！
幾個鐘後
留名
LM
我而家就出發去搵佢！
>>587 你等我！
真係復合？
今次睇嚟真係我人生嘅轉機！
你準備定呀！
對仍然留戀前女友嘅我嚟講好羨慕樓豬
希望你可以得到幸福，全力同你打氣！
你都試下開PO！呢度嘅巴打個個都好好人！
有復合嘅希望㗎！
好緊張！
諗到啲好嘢
見到佢嗰陣最初嘅行動（言動）
你講 我做
>>609唔該
#602
推
#607
今日係咪決勝底褲？
#608
對唔住之前一直同你講啲古怪嘢
咁樣道歉
#609
扮Razor Ramon HG
呢度係講諧星住谷正樹嘅一個經典造型 配一個叫聲 自己Google下就知咩造型 記住用英文字名search 用中文字名search得啲普通相
>>607 今日着史迪仔
>>609 我頂你～Foo～～～
就係呢個叫聲
你就當為咗復合，做少少餘興
我前女友好純品佢應該捱唔住啲你講我做搞出嚟嘅嘢
而且佢好嬲我，我諗就算係都等冇事嗰陣先開啦
而家畀我見證樓豬先！
留明
留名
留
而家樓豬係咪砌緊第3 round唔得閒？
我整咗固定名
樓豬而家喺女朋友度？
我啲裝同啲稀有道具已經派咗一半畀frd
佢改咗個名做安拉驚引退巴
Hey 樓主是也
嚟喇！
等到了！
要你哋等咁耐 係咪好想聽呢？？！
要我聽唔係唔得嘅...
屌你快啲講我聽啦！
見面嘅瞬間我就Foo～～咁叫
俾佢話我咁out添
打算一齊去食餐飯嘅時候，佢主動同我講
「我想再同你一齊」咁
真係好可愛㗎啫
然後去咗個有涼沖有床瞓嘅地方之後而家啱啱返
安拉驚引退巴喺唔喺度？由呢一刻開始你禁止玩online game！
你個仆街！
我嘅裝備全部剝晒喇聽日開始我嘅裝備就係西裝領呔！
既然係咁我買返條呔送畀你丫！
有冇明顯嘅說話講真係復合？
佢話想再同我一齊嗰障我答返佢好！
恭喜晒你呀！
◎
我係摩天樓，實在太好喇，個PO一開頭嘅發展簡直好似發夢咁
去咗個有涼沖有床瞓嘅地方
呢度啲詳情呢屌你？
>今晚餐飯有鮑魚
>就喺我舐隻鮑魚嗰陣我諗起嗰一個夜晚
>下次我希望啜嘅係你塊鮑
伏線！
終於追晒
真係好恭喜恭喜
祝你幸福！
竟然喺我瞓緊嗰陣復合成功
好想real time恭喜你
恭喜！
有冇三行佬？
真真正正
嘅
Happy Ending
***全篇完***
原來好少嘅事都可以畀到希望別人去踏出改變人生嘅一步
呢篇真係好麻煩，用咗我以日計嘅長時間 其實可以無視個支線唔鬼做
我諗勁多人都對登場人物同發生咩事一頭煙 呢度我做唔係三行嘅三行佬概括一下
樓豬（復緣隊）無聊得滯諗住開PO徵指示同前女友（寵物女）傾偈
點知有個剛好當日見到男友俾人屌屎忽受咗好大打擊嘅腐女入咗個PO
腐女引起咗一個叫摩天樓嘅狗公注意
摩天樓開始不斷同腐女傾大堆同原PO冇關嘅嘢更引到腐女喺返同一個PO度徵你講我做指示
因為呢班友（復緣隊、摩天樓、腐女）ID成日唔同又同時有兩隻你講我做徵緊
搞到唔知邊隻打邊隻又唔知邊個打邊個，令到復緣隊都灰灰地冇心機玩兼唔想入PO
好彩始終有人關心復緣隊同寵物女搞成點，摩天樓開始俾人屌
而腐女嗰邊佔用咗勁多時間佢嘅劇情自然完咗場，加上貌似引導咗佢同摩天樓去第二度傾
摩天樓同腐女好似真係終於知衰唔搶focus 復緣隊就繼續返個PO
整整下復緣隊同寵物女復合嘅希望愈來愈高 復緣隊都發現自己其實真係想復合
同時安拉驚引退巴出現話復緣隊可以同返寵物女一齊嘅話佢就唔玩online game正正經經搵份工似返個人
喺眾人嘅鼓勵，加上為咗補償賠罪而盡力發好計嘅摩天樓同腐女嘅協力
再以幫安拉驚引退巴重新做人作為藥引，復緣隊成功同寵物女復合
至於摩天樓同腐女點樣，我冇興趣知囉好冇，起初都有啲興趣，後來淨係覺得好撚火滾
本譯文原發佈於連登討論區
此版本經過部份修正
原link：https://toki.5ch.net/test/read.cgi/news4viptasu/1303619247/