Soutenir CSO Fusion

CSO Fusion – гэта беларуская некамерцыйная арганізацыя, якая спалучае ў сваёй дзейнасці вопыт і інавацыі для ўмацавання і развіцця грамадзянскай супольнасці і актывістаў, якія працуюць на карысць Беларусі.

Наша місія: узмацненне сектару беларускіх арганізацый грамадзянскай супольнасці (АГС) як лідэра пазытыўных пераменаў. Для гэтага мы кансультуем, навучаем і прапануем іншую падтрымку па пытаннях кіравання і арганізацыйнага развіцця грамадскіх арганізацый і ініцыятыў; прасоўваем супрацоўніцтва і партнёрства ў трэцім сектары; аказваем падтрымку актывістам; узмацняем патэнцыял спецыялістаў, якія працуюць у сферы развіцця АГС.

Каманда CSO Fusion аб’ядноўвае вопытных спецыялістаў і экспертаў, якія працуюць у сферы развіцця грамадзянскай супольнасці і абароны правоў чалавека ад 10 да 30 год.