Прывітанне, мае дарагія сябры!
Не буду шмат пісаць пра гэты год, ён у кожнага быў свой. Проста хачу сказаць вам дзякуй за тое, што вы былі побач і дапамагалі Міністэрству сепультуры існаваць. Было складана, але разам мы гэта зрабілі.
На жаль, наступны год мы зноў будзем пачынаць у фармаце два разы на месяц: праекту не падтрымалі фінансаванне, і ён працягне быць выключна народным. Але разам мы яшчэ зробім шмат цікавага і важнага, я ў гэтым упэўнены.
Сёння я прынёс вам выніковы плэйліст, у які сабраў шмат прыгожых песень 2025 году. Я спадзяюся, што ён вам спадабаецца і ўся гэтая музыка трапіць у вашыя сэрцайкі. Ведаю, што на мэйле не заўсёды адлюстроўваюцца спасылкі і відэа, таму лепш чытайце тэксты і слухайце музыку наўпрост праз старонку на Buy me a coffee.
Яшчэ раз дзякуй вам за падтрымку, сябры! Разам мы зробім яшчэ шмат карыснага і цікавага. Як мінімум, Бульбяны боўдзіла ўжо чакае сваіх новых уладальнікаў. Са святамі, даражэнькія!
Ваш міністр.
