Прывітанне!
Мы з прыемнай навіной: дзякуючы вашай падтрымцы першыя тры месяцы працы падкаста «Зроблена ў Польшчы» забяспечаны грашыма.
Зразумела, што мы хочам і далей распавядаць пра польскую палітыку, таму ўжо адкрылі наступны збор — на яшчэ тры месяцы працы падкаста. Па шчырасці, да гэтай пары не заўсёды верыцца, што «Зроблена ў Польшчы» выходзіць ужо столькі часу. Сёння, 4 снежня, выйдзе ўжо 15-ы выпуск!
Крыху лічбаў:
• 86 чалавек ужо падтрымалі падкаст грашыма
• агульная сабраная сума — каля 9,900 злотых (трэба ўлічваць камісію сервіса і змены курсаў валют). Гэтага роўна-роўна хапіла на вытворчасць 14 эпізодаў
• 14 выпускаў падкаста сабралі 32,000 праглядаў на ютубе
• яшчэ 1,113 разоў падкаст паслухалі ў фармаце аўдыё на Spotify і іншых платформах
• 1,260 чалавек падпісаліся на падкаст у YouTube, яшчэ 103 — на аўдыёплатформах
Усё гэтае было б немагчымым без вас, таму шчыры дзякуй за падтрымку! За тое, што дапамагаеце рабіць падкаст «Зроблена ў Польшчы»: грашыма, праглядамі, лайкамі, каментарамі і расповедамі пра нас сябрам і сяброўкам. Мы вельмі радыя, што ідзем гэты шлях разам з вамі. Наперадзе шмат выпускаў і новых фарматаў.
На сувязі!