Як ведаюць тыя, хто далучыўся да закрытай тэлеграм-суполцы, у канцы 2024 года мая сваячка стала ахвярай махляроў. Гэтая гісторыя цяпер скончаная, але ў моманце тыя непад’ёмныя даўгі, што з’явіліся ў маёй сям’і ў вельмі крытычны момант, выглядалі проста жудасна.
Рэтраспектыўна я разумею, што ў мяне нават не было часу на эмацыйнае перажыванне ўсяго, што здарылася, бо трэба было дзейнічаць неадкладна, каб захаваць маёмасьць сям’і.
Пры канцы 2024 мне давялося ахвяраваць і звыклым ладам жыцьця, і ўсімі праектамі, над якімі я тады працаваў, каб як мага хутчэй разьвязаць гэты жах.
Асобнай крыніцай шалёнай фрустрацыі, акрамя доўгіх месяцаў нявызначанасьці, былі спробы дыстанцыйнай арганізацыі ўсяго працэсу і камунікацыі дзеля атрыманьня паперак і адпісак (беларусы зразумеюь увесь гэты цяжар), а таксама пошук сродкаў для пагашэньня даўгоў. Але я і мая жонка далі рады і з мінімальнымі стратамі выйшлі з гэтага трэшу.
Аднак перыяд быў вельмі і вельмі цяжкім.
Я нават перастаў галіцца (што я вельмі не люблю) на цэлых 4,5 месяцы! Затое потым выкарыстаў гэты вобраз у заплянаваным відэа пра валасы ў андраген-залежных зонах 😅 (выйдзе не раней за жнівень)
А яшчэ барада выдатна абараняе ніжнюю частку твару ад пякучага сонца! 😁
Уся гэтая сытуацыя заслугоўвае як мінімум асобнага відэа, дзе варта было б прывесьці карысныя парады і рэкамендацыі, таму калі я знойду час на такое відэа — раскажу больш падрабязна.
Цяпер я неймаверна шчасьлівы, што гэта скончылася, і я зноўку магу займацца ўлюбёнай працай. Праектаў накапілася няўяўная колькасьць.
Я шчыра дзякую кожнаму, хто падтрымліваў мяне тут і на Patreon у гэты цяжкі перыяд — гэта неймаверна каштоўна.
Буду і далей рабіць усё, што ў маіх сілах, каб спраўдзіць ваш давер і ствараць сапраўды ўнікальныя асьветніцкія і адукацыйныя відэа. Дзякуй, даражэнькія!
___
P.s. Як я ўжо абвяшчаў раней, з-за таго, што байміакофі зьмяніў умовы вываду сродкаў я больш не змагу знаходзіцца на гэтай пляцоўцы, таму адзіная магчымасьць падтрымаць мяне - Patreon.