Дарагія сябры!
Больш за чатыры гады мы ствараем архіў сучаснай беларускай паэзіі, публікуем пераклады вершаў з многіх моў свету, водгукі і рэцэнзіі на свежыя кнігі, робім інтэрв’ю з аўтарамі і аўтаркамі і пашыраем веды пра беларускую літаратуру — усё дзеля таго, каб наша культура, наша паэзія знаходзіла сваіх прыхільнікаў і прыхільніц у любой кропцы свету і была дасяжная кожную хвіліну. Шмат таго, што ёсць у нашым часопісе, няма больш нідзе — прынамсі, у свабодным доступе, — і таму вельмі важна, каб “TAǓBIN” быў.
Увесь гэты час наша каманда працавала бясплатна, без заробкаў і ганарараў, утрымліваючы сайт за свае сродкі, і настаў час, калі мы хацелі б прасіць вашай дапамогі.
Для таго, каб уся наша праца не знікла бясследна, нам трэба да канца аплаціць дамен і хостынг. Сумы адносна невялікія, але зараз мы не можам пакрыць іх самі, таму просім дапамагчы нам — калі маеце такую магчымасць, падтрымайце нас на “Buy me a coffee”. А мы, у сваю чаргу, будзем удзячныя за любую дапамогу і працягнем далей любімую справу — будзем рабіць беларускую паэзію бачнай і дасяжнай.
З вялікай любоўю да ўсіх нашых чытачоў, каманда часопіса “TAǓBIN”.