Прывітанне, сябры! Хочам сказаць вам, што мы завялі сабе староначку на рэсурсе Buy Me a Coffee. Вітаем вас!
Калі б вы хацелі выразіць нам падзяку ў выглядзе кубачка гарбузовага латэ, то зрабіць гэта можна тут у выглядзе даната. Існаванне гурта заўжды патрабуе расходаў: рэпетыцыі, запісы, кліпы, мінералка. Асабліва калі гэта гурт, які пачаў афармляцца ўжо ў эміграцыі і сталай базы слухачоў не мае. Будзем час ад часу дзяліцца навінамі пра асвойванне бюджэтаў і расказваць, на што яны пайшлі (калі будзе пра што расказваць). Дый проста нашымі навінамі.
Калі сур'ёзна, то мы не збіраемся тут пастаянна скавытаць пра сваё існаванне, каб выцыганіць у вас на каву. Добра ведаем, што ва ўсіх праблемаў хоць адбаўляй і мы ўсе стомленыя ад паганых навінаў штодня. Кінеце даляр -- то дзякуй. Ці можа вы жывяце ў месцы, куды мы ніколі не даедзем, напрыклад у нейкім Капенгагене і так адчуеце сваю далучанасць да гурта.
Староначка гэтая створаная найперш таму, што ў хуткім часе плануецца рэліз сінгла і два канцэрты. Квіткі на іх будуць прадавацца менавіта тут. Таму сачыце за навінамі, ужо зусім хутка.
Ваш Сож.