Skandall er vefur sem er allrar athygli virði enda er meiningin að taka hér á málum sem eru oft illa reifuð í fjölmiðlum eða lítil eftirfylgni með.
Sjtórnmál spila stóran þátt í umfjöllun Skandals, enda snertir það okkur öll sem höfum íslenskan ríkisborgararétt, því allar aðgerðir alþingis og ríkisstjórnarinar koma okkur við og við EIGUM og VERÐUM að veita þeim það aðhald sem þeir þurfa.
Það verður stungið á kýlum hérna og samfélagsmiðlarnir fá að njóta sín því oft hefur fólk sögur fram að færa úr sínu daglega lífi sem eru fyrirtækjum, stofnunum og einstaklingum til háborinar skammar, sér í lagi þegar ekkert er gert til að laga hlutina en í staðin þrætt fyrir að eitthvað sé að eða þá reynt að réttlæta framkomuna við viðskiptavinina.
Bloggarar eru öflugur hópur sem sumir hverjir mættu vera sýnilegri og meira áberandi meðan aðrir þeir sem bera eintómt kjaftæði og bull á borð fyrir almenning væru betur geymdir í ruslinu. Á ég þar sérstaklega við málpípur ákveðina afla í þjóðfélaginu sem nota svona einstaklinga til að snúa sannleikanum í umræðunni á hvolf og reyna að telja almenningi trú um að hvítt sé svart og svart sé hvítt.
Þeir einstaklingar verða listaðir upp sérstaklega sem óvinir þjóðarinar og bloggfærslur þeirra teknar og tættar í sundur lið fyrir lið og sýnt fram á hvernig blekkingar þeirra eru í raun.
Þeir vita hverjir þeir eru sem þannig blogga og þeir mega því alveg fara að hugsa sinn gang í skrifum sínum.