#20210831 今日是掉念、道別的日子。
想同請過我飲嘢，關心我，記得我嘅朋友分享呢兩個月嘅事。
上個月我係處於十分徬徨嘅時候，因為突然要面對冇工作，面對自己一堆問題，但當時前老細同我都其實好想，嘗試留低呢個位置，變成共享教室，令屯門有能力教班但冇能力租舖嘅朋友可以用日租嘅方式去租個地方開班，甚至乎收集屯門人嘅小物品，搞一啲短期嘅屯門故事展覽，大家亦可以多個聚腳點，可惜事與願違，由於失缺人力同財力，最後都係無奈要清場交吉俾業主。
由細到大我都好怕道別，但係往往世事就係咁難，每次聽到人講有散有聚、有傘有聚，我都諗，到底幾時先會再聚，離開嘅人已經走咗，留低嘅仍然留低，光明嘅時代，到底要行幾耐，先會見到終點？
近期有一位前輩俾我喺佢度返工，以為自己離要做嘅嘢好遠，但原來兜個圈又會識到更多人，日子可能好難行，但原來有時企喺你隔離一個陌生人，也可以係你嘅同路人，或者咁就好夠。
我仍然未放棄喺屯門搞一個共享教室嘅願望架，但可能首要係等我有更多財力🥲
至於口述歷史呢，本來已拍咗第一集，不過因為朋友同時面臨人生轉捩點，所以依家想誠邀睇吓有冇朋友可以陪我玩，主要睇吓有冇人識剪片，影嘢最多衰衰地買住支腳架企定定都好.....🥲
Anyway🥲多謝大家支持，日後我都會打多啲唔同嘅嘢喺buy me a coffee 度，等請我飲嘢嘅人都有啲唔同嘅嘢睇，大家喜歡就請我飲酒吧🙇🏻♀️
____，____。
