「係咪表態得愈大聲就可以愈多生意?」
記得我以前做過唔同餐廳大大小小嘅訪問,最常聽到嘅一句就係「多謝你留意到我哋。」以前我唔會好刻意感受到呢句說話背後嘅含意,直到見到朋友堅持咗差唔多成年個結果,最後我都係好想幫吓佢哋。
意粉好冇食?好食。意粉彈牙有蛋香,自家製蟹糕汁勁濃郁,同意粉一齊煮過,上面再鋪多層蟹糕,每啖個口都會有濃濃蟹味,勁鮮甜💛
咁裝修好唔好?幾好,幾啱打卡。
但生意好唔好?唔好。
最唔好嘅就係佢地唔想賣黃,唔想人因為黃而食佢哋嘅食物,想啲人因為好食而嚟。
但係今時今日,大家揀餐廳除咗好食仲要啲咩?冇錯就係立場。所以最近佢地都加入咗mee,開始多啲人搵到佢哋,開始個負數細咗。
終於有人發現到佢哋,但係呢個數字遠遠距離平衡兩字有啲遠,結果佢地都係面臨就快執笠嘅危機。
我突然諗,到底係mee 唔夠多人用,定係因為咩?
我唔知,所以我只能用我小小小小嘅能力,用我呢度有嘅網友,一齊幫手,支持吓mee,亦支持入面大大小小要支持嘅黃店,我好希望大家支持一間店除咗因為立場,仲有就係因為佢哋嘅實力。
全香港黃店好多,唔洗淨係幫襯一間。
無論係我朋友嘅餐廳,抑或其他大家唔知道嘅黃店,大家都應該去支持。
Untitled Cafe & Bar - Hart Avenue
Tel: 95752434
尖沙咀漆咸道南29-31號溫莎大廈12A舖
Mee 懲罰師
#好好食 #好想幫到佢地 #非打手 #我真係忍唔住所以先幫口出聲
#請支持唔同黃店
#係時候去食嘢
#午餐都有架
#唔記得講句 #店主都係屯門牛嚟🥺🥺🥺