Сябры, найперш мы хочам падзякаваць кожнаму з вас. За вашую цікаўнасць да зіну і за вашае падтрыманне! Мы будуем супольнасць – супольнасць людзей, якім важная і цікавая навука. Мы верым, што супольна нашыя гарачыя сэрцы здольныя на вялікія справы!
І, вядома, зычым нам і вам надзвычай цікавых артыкулаў у новым годзе! (Ужо збіраем артыкулы ў нумар 4)
Свой здымак нам ласкава даў кот Тэслік 😺
Акрамя таго дзякуючы Эстонскай дыяспары беларусаў ў нас нарэшце выйшла відэа з удзельніцамі рэдакцыі Памылкі: Светай Волчак (мной), нашай моўнай рэдактаркай Настай Кахан і хімікам ТалТэха Зміцерам Канановічам (астрафота Зміцера ёсць у нумарах 2 і 3)
Як раз на сільвестр вы можаце накласці сабе салата Альўе і ў спакойнай атмасферы праглядзець відэа на гадзіну пра тое, як справы ў рэдакцыі, якія выклікі з тэхнічнай беларускай мовай і агулам нашыя думкі, як думкі навукоўцаў і мовазнаўцы пра сітуацыю з навукай па-беларуску. Таксама і пазнаёміцца з намі, пабачыць нас, пабачыць нашы жывыя думкі, бо відэа здымалася за адзін дубль, і не было мантажу.
Любая адваротная сувязь, як заўжды вітаецца!
п.с. калі ў вас засталіся пытанні, калі раптам не дайшоў нумар, ці іншыя любыя складанасці -- пішыце нам [email protected]