Вітаю сяброў зіна Pamyłka!
Мы рушым да завяршэння зборкі нумара 8, але, так, ён яшчэ не гатовы:
На сёння ўжо звярстаныя 5 артыкулаў, намаляваныя ўсе, акрамя адной, ілюстрацыі. Давёрстываюцца яшчэ 3 артыкулы, яшчэ 1 выява ў працэсе, яшчэ адзін рэпартаж на моўнай вычытцы! І я пасля ў адным файле збіраю ўсю вёрстку цалкам...
Адзін комікс (пра ваду) намалявала мастачка Jane Moth, але яшчэ адзін (пра пчолаў) дамалеўваецца Аленай Эпштайн (там працуе нават каманда сцэнарыстаў- энтузіастаў)...
Заднюю вокладку Аліса Салдатава ўжо зрабіла, а каб зрабіць пярэднюю, зноў, чакаем на вёрстку, бо на вокладцы трэба размясціць паслядоўнасць артыкулаў:)
Я ўжо хачу напісаць вялікую падзяку за працу і давер ўсім новым дызайнеркам/рам нумару 8. Вельмі натхняе тое, што людзі сабраліся на агульную ідэю: зрабіць навуку бліжэй да кожнага. Зрабіць творча<3
(Уласна для мяне вельмі каштоўна, што людзі праробліваюць вялікую працу, і праз гэтую працу становяцца бачнымі: і як мастак і як дызайнер, і як навуковец, і як рэдактар-карэктар тэкстаў... Гэта не проста словы. Гэта тытанічная праца. Гэтыя людзі вельмі-вельмі сур'ёзныя)
П.с. у якасці цікавостак таксама дзялюся з вамі двума стрымамі, якія правёў аўтар артыкулаў пра энергію і пчолаў Міхась Волчак (+даследчык супольнасцяў, сатыятэхнік) з Настаю Кахан і са мною. З Настаю гутарка ідзе пра слоўнікі тэрмінаў, пра беларускую мову, пра яе досвед быць стыль-рэдактаркай напрацягу шмат год, і ў тым ліку ў зіне Памылка. Са мною -- пра супольнасць зіна, яе стварэнне, рэфлексію, (вельмі падрабязную) працэсаў працы.
https://www.youtube.com/live/0Ln_qULUQdM?feature=shared
https://www.youtube.com/live/Pt8_JWwvWsw?feature=shared
Нагадваю, што па любых пытаннях, пішыце на мэйл [email protected]
Калі камусьці забыла адправіць нумар, пішыце. Адпраўлю. Пераадпраўлю
Света