كيف استثمر في الأوراق المالية؟

اول شيء تسويه قبل البدء في الاستثمار هو تحديد هدفك الاستثماري ليش هذي اول خطوه؟

لان هذا الي بيساعدك انك تستمر في الاستثمار للوصول للهدف

طيب وش هو هدفي الاستثماري؟

اما زيادة دخلك او نمو رأس مالك او الاستثمار لشراء الأشياء مثل المنزل او السيارة او التجميع للتقاعد او الزواج او تعليم حتى

ما بعد تحديد الهدف الاستثماري؟

الان نجي لطريقة الوصول في أيش استثمر عشان أوصل لأهدافي الاستثمارية؟

عندك خيارات كثيرة:

• الصناديق الاستثمارية

  هي صناديق تكون تحت إدارة البنك او المؤسسة المالية يقوم عليها اشخاص ذوي خبره كبيرة في مجال الاستثمار ويقومون باستثمار اموالك عنك في مختلف المجالات مثل الأسهم العقار ودائع المرابحة او حتى استثمارها في صناديق أخرى ولكل صندوق أهدافه الخاصة

  فيه الي ينمي رأس مالك في الي يوزع أرباح وفيه الي يوزع وينمو لكل صندوق هدفه الخاص به

  المخاطر:

  تكون المخاطر على ثلاث أنواع:

  مخاطر عالية

  مخاطر متوسطة

  مخاطر منخفضة او شبة منعدمة

  المخاطر هي تذبذب سعر الصندوق مثال شريت الصندوق ب 10 ونزل لي 8 خسرت 20% من راس مالك كذلك الارتفاع شريت ب 10 وبعت ب 12 ربحت 20% من راس مالك

  المخاطر المنعدمة او شبه المنعدمة يعني يكون التذبذب خفيف جدا لدرجة يكون لا يذكر او لا يتذبذب السعر من الأساس بل يزيد الربح

• الأسهم

  هي حصة ملكية وش معنى حصة ملكية يعني انت تملك حصة في الشركات الي انت مستثمر فيها ولك حق في أرباحها يعني كيف؟

  خلنا نأخذ سهم اس تي سي كمثال

  سعر السهم في الوقت الحالي من كتابة هذا البوست هو44.15 ريال والسهم يوزع 4 مرات في السنة كل 3 اشهر يوزع 0.55 هلله في حال شريت السهم بسعر 44.15 وحافظت على السهم الى اخر السنة راح يعطيك توزيعات أرباح بمقدار 2.2 ريال يعني السهم يدر عليك 5% تقريبا كل سنة هذا غير ان السهم ممكن يرتفع ويوصل 50 يصير مكسبك 6 ريال

  يعني تقدر تربح في الأسهم من الشراء والبيع للاسهم و أيضا من التوزيعات

  طبعا الأسهم مخاطرتها عالية جدا لأنك ما تعرف متى تشتري السهم او متى تبيعه وحتى لو كنت تعرف صعب تحدد التوقيت المناسب لذلك

• الصكوك

  الصكوك هي البديل الشرعي للسندات وهي أدوات دين تستخدم المرابحة

  وش هي المرابحة؟

  شراء الطرف الأول سلعة من السوق وبيعها على الطرف الثاني بالأجل مع الربح و بيع الطرف الثاني للسلعة في السوق للحصول على المبلغ بدال السلعة

  مثال الطرف الأول شراء ب 100 ريال سلعة من السوق وبعاها على الطرف الثاني بقيمة 150 ريال بالأجل و الطرف الثاني باعها بسعر السوق الا وهو 100 ريال

  الطرف الثاني حصل على النقد الي هو 100 ريال والطرف الأول حصل على 150 ريال بالأجل يعني ربح 50 ريال ورجع رأس ماله 100 ريال أيضا

  يكون فيها مخاطر بسيطة او شبة منعدمة وهي احتمالية عدم السداد من قبل الطرف الثاني لذلك أحيانا يتم وضع ضمانات مثل الرهن العقاريه وغيرها

  مشكلة الصكوك هي عدم المقدرة على سحب الأموال الا بعد نهاية المدة المتفق عليها بين الطرف الأول والثاني مثال حددتوا 3 اشهر للسداد لا يمكن سحب الأموال الا بعد 3 اشهر بعد انتهاء المدة المتفق عليها