ป้อจายเมืองกรุงมาป๊ะมาปรุงเนื้อเวียงเจียงใหม่
เดี๋ยวนะเดี๋ยวเน้อหัวใจ๋มันเป๋นจะไดเต้นแฮงแต้ๆ
✧
น้องกอยมองแลผ่อแล้แลมองอ้ายไป๋กั๋นใหญ่
กะเปิ้นแอบฮักบ่าดายตั๋วกึ๊ดจะไดบ่ฮู้ละเนอ
✧
กะอยากหื้อลองสาวเหนือดูซักกำ (ดูซักกำ)
จะลำบ่อลำถ้าบ่ลอง ก้อบ่ฮู้ (ก้อบ่ฮู้)
จะไป๋ฟังกำกนอื่นว่าจะอั้นจะอี้
ถ้าอยากหื้อดีตัวอ้ายนี้ต้องลองดู
✧
บ่ว่าจะเป๋นนิมมาน แสงสว่างกลางเวียงพิงค์
ก่อว่าจะเป๋นฮิมปิง บอกมาจะปาไป
หื้อตั๋วลืมแสงไฟจากเมืองศิวิไลซ์
หื้ออ้ายปิ๊กไป๋ลองกึ๊ดทบทวนดู
✧
น้องเป๋นสาวเหนือ บ่จุหื้อเจื้อว่าฮักอ้ายจริง
แค่อยากหื้อมาแอบอิงหื้อแม่ระมิงค์นี้เป็นพยาน
จะว่าขี้จุ๊จะว่าขี้โวบ่ว่ากั๋น
ขอหื้ออ้ายนวลจันทร์เปิดม่านใจ๋ดูสักที
✧
ฝนพรำบนดอยเหมือนน้องใจ๋น้อยถ้าตั๋วมีไผ
ก่อแม่นละเนาะเกือบตาย แก้กึ๊ดบะดายละลายไปแล้ว
ฝนต๊กจางๆ อยากฮู้ตั๋วเก่าเหงาบ้างพ่องก่อ
ถ้าอ้ายหื้อรอก็จะรอ ชะโอละหนอ กึ๊ดเติงจังเลย
✧
กะอยากหื้อลองสาวเหนือดูซักกำ (ดูซักกำ)
จะลำบ่อลำถ้าบ่ลอง ก้อบ่ฮู้ (ก้อบ่ฮู้)
จะไป๋ฟังกำกนอื่นว่าจะอั้นจะอี้
ถ้าอยากหื้อดีตัวอ้ายนี้ต้องลองดู
✧
บ่ว่าจะเป๋นนิมมาน แสงสว่างกลางเวียงพิงค์
ก่อว่าจะเป๋นฮิมปิง บอกมาจะปาไป
หื้อตั๋วลืมแสงไฟจากเมืองศิวิไลซ์
หื้ออ้ายปิ๊กไป๋ลองกึ๊ดทบทวนดู
✧
ถ้าอ้ายปิ๊กไป๋ น้องนี้ ยังกอยอยู่