Гэта — падкаст «Нешта будзе» ад Сашы Івуліна і Мікіты Мелказёрава.
Мы не працавалі разам з часов «Трыбуны», вось вырашылі паспрабаваць яшчэ раз. Тым больш, Мікіта енчыў пра падобны фармат апошнія чатыры гады — і ўсё ніяк не мог распачаць.
Кораценька:
1. План выхада — два разы на месяц;
2. За грошы;
3. Грошы невялікія;
4. Калі хочаце вялікія, сэрвіс дае такую магчымасць (хто мы такія, каб вам забараняць);
5. Тэму можаце выбіраць вы. Калі нам хопіць эрудыцыі і двух дыпломаў журфаку БДУ (такое сабе, згодны), падпішамся;
Усім любоў.
Наш першы выпуск пра футбол. То бок не пра футбол, а масавую культуру, якую ён правакуе. Мы абодва — яе ахвяры.
Танныя сінтэтычныя майкі на кірмашах, бутсы на некалькі памераў больш, постэры і натхненне, якое давалі культавыя персанажы нашага дзяцінства.
Дэвід Бэкхам, Зінэдзін Зідан, дэградацыя Аляксандра Глеба і нечакана сламаны стол на “Барысаў-Арэне”.
Што з гэтага ўсяго атрымаецца, ніхто не ведае. Але рабіць беларускі варушняк цікава. Усе адпаведныя навіны будуць з’яўляцца ў нашых інстаграмах.
Поспехаў. І вам, і нам.
Нешта будзе.