Курс СКОНЧАНЫ: пра беларускую паэзію з Андрэем Хадановічам

Запрашаем на аўтарскі курс Андрэя Хадановіча пра беларускую паэзію як частку сусветнай лірыкі – і пра сусветную культуру ў беларускай паэзіі.

На курсе будзем гаварыць пра творчыя ўплывы і “паралельныя” адкрыцці аўтараў і аўтарак, пра пераемнасць і разрывы ў беларускім літаратурным працэсе, пра мастацкі пераклад і тое, як ён уплывае на арыгінальную творчасць.

Асобна пагаворым пра паэтычныя містыфікацыі, у якія паверылі – і часам вераць дагэтуль, пра тое, як паэзія становіцца музыкай, а вершы – песнямі, і пра паэзію пратэсту, супраціву і салідарнасці.

Курс складаецца з 10 лекцый-заняткаў: ад Максіма Багдановіча, Янкі Купалы і Міцкевічаў да Мойшэ Кульбака, Аркадзя Куляшова, Алеся Разанава, Рыгора Барадуліна, жаночай лірыкі, рок-сцэны і беларускай паэзіі 2020-х.

Доступ да заняткаў будзе захоўвацца яшчэ 3 месяцы пасля заканчэння курса. Па заканчэнні 10 лекцый вы атрымаеце сертыфікат.

Падрабязней пра курс: https://lepsh.school/hadanovich

Гэты курс для вас, калі вы любіце паэзію і хочаце бачыць у ёй больш: кантэксты, сувязі, уплывы і схаваныя гісторыі. Калі хочаце лепш разумець беларускую паэзію і яе месца ў сусветнай літаратуры. Калі выкладаеце, пішаце ці працуеце з тэкстамі – або проста хочаце паглядзець на беларускую паэзію праз оптыку Андрэя Хадановіча.

Андрэй Хадановіч – паэт, перакладчык, літаратуразнаўца, аўтар дзясяткаў кніг паэзіі і перакладаў, лаўрэат прэмій Наталлі Арсенневай, Карласа Шэрмана і “Кніга года”, стваральнік і мадэратар “Перакладчыцкай Майстэрні”, выкладчык у ЕГУ і Школе маладога пісьменніка, аўтар лекцый на YouTube-канале CHADANOVIČ.

Фармат: 10 анлайн-заняткаў

Пачатак: 25траўня 2026 года (доступ да заняткаў захоўваецца 3 месяцы)

Кошт удзелу: 59 еўра

Па завяршэнні вы атрымаеце сертыфікат.

Каб далучыцца да курса, аплаціце ўдзел тут. Пасля аплаты мы дашлём вам усе дэталі на email.

Увага: калі ласка, дбайце пра сваю бяспеку і не аплачвайце курс з беларускіх картак.