(續上)
瞓醒個PO重喺度嚇一跳
咁我繼續寫，寫晒3年分我諗會暴斃所以寫到1年級嘅學園祭
重有少少希望大家配合
我寫得慢可能會搞好耐
推呀
唔唔
終於等到...
好緊張
冷門嘅學會真係好
我都係社恐撚，一個人做應援團團長
記得camp第2日朝早開始就好忙
佐倉老師話「尋日佢都冇咩作用呀可」所以我就同佐倉老師一齊負責整早餐，整黑暗物質
今日想做嘅嘢就當日開會傾
會議結果係朝早行山，中午分成3 team互相評價
晏晝就去附近周圍啲可以體驗嘅地方整下手作蠟燭，隨便玩下，晚飯都係分team整
然後夜晚就似返個天文學會咁觀星
想你寫晒3年...
文化祭調查全級最靚仔嗰個嘅我嘅話
就會喺camp度同老師扑嘢喇
同佐倉老師整早餐好艱辛
整嘢食嚟講我只係識煎蛋，佐倉老師就只係識開面豉湯
後來聽返先知，佐倉老師同屋企人一齊住，當時啲家務多數都係佢阿媽做晒
好似而家都係
最後我哋整出嚟嘅，有我整嘅硬骨骨煎蛋，佐倉老師整嘅稀雲雲面豉湯，同埋我哋一齊淨係用椰菜整嘅沙律
即係話你到而家都有同佢聯絡！！！
希望你keep住咁嘅feel寫到3年級
我腦入面係《WORKING!!無聊西餐廳》入面個杏子縮小版
好葡萄牙！樓豬去死啦
食完個微妙嘅早餐我哋就做去行山嘅準備
我一個人返房諗今日着咩衫好。其實唔係諗，衫呢樣嘢都係根據阿妹幫我準備嘅放上身，唔使我諗
「唔...好似有啲唔啱...」
一個人喺度fashion show嘅我好似一個普通學生咁，搞到我傻笑
畀你個妹我
我畀我個人渣家姐你
喺廳度嘅女士們已經好興奮熱鬧
佢哋好似互相傾着衫着成點
今日吉井着輕飄飄嘅裙，而田村同學就着連身裙
另外兩個就普通
唔知點解去到呢度我趟開咗心，連吉井裙邊爆出嚟嘅火腿我都覺幾可愛
之後我就唔知點解去搵朝早見面重尷尷尬尬嘅田村同學講嘢
田村路線pls
田村路線太過冇flag
「件 件衫幾好睇喎」傻笑
「啊，多謝」
「幾 幾襯你丫」傻笑
「係 係咩」
我記得就係講咗啲咁短嘅嘢，而家諗返起田村同學應該覺得嗰陣我好奇怪
當時嘅我就唔知點解「掂！！」我生勾勾嘅腦好感動
我去叫佐倉老師嗰陣佢重揀緊衫
聽到佢吟吟沉沉講「唔知幾時會遇到真命天子要隨時候命」咁揀衫個樣真係好可愛
最後喺我嘅建議下佢着咗條裙
佐倉老師對課外活動嘅camp會唔會hyper咗啲呢...
行山比想像中好玩
長野比我哋嗰區涼啲，可以慢慢行好舒服
喺自然環境入面行連心情都自然平靜啲，大家都可以開心傾偈
不過我負責拎嘢加入唔到傾偈度，如果俾人問「開唔開心？」嘅話真係唔知點答好
身邊有人好開心咁傾偈，唔知點解我淨係睇都覺得好開心
佐倉老師就包尾行到就嚟死咁款
我讀男校都係獨撚
我冇入課外活動但逢lunch同放學我都係咁操肌，而家我成個欖球員咁嘅身型
> 「唔知幾時會遇到真命天子要隨時候命」
想萌死人咩
佐倉老師可愛到呢
好遺憾佐倉老師嘅真命天子冇出現，應該話一個人都遇唔到咁行完山
大家都攰，所以一返到屋仔就全部人一體𠼱落梳化，不如吉井去咗拎嘢飲
佐倉老師就死咁款，中途都行下停下幾乎行唔郁
而家諗返佢咁細粒，步幅細都幾辛苦
當時嘅我冇留意呢樣嘢，係咁講「加油啦～」咁去笑平時好cool嘅佐倉老師
你有阿妹同佐倉老師你已經係死現充
休息後，大家一齊整午餐
因為朝早講好咗分team，所以分咗team先
結果係我同死神同team
其他就，老師同吉井，田村同學同內田同學咁樣
我team因為死神意外地做得嘢所以整得幾順手
應該話，我幫到嘅都只係批下薯仔皮
比其他team做得快所以我挑戰下同死神單對單傾偈
我雖然一路都覺得奇奇怪怪但死神就意外地好人，同我傾偈都好開心咁
就喺我同死神傾偈嘅時候其他team都整好
「準～備！」咁將自己嘅成品拎出嚟
睇到大家整嘅嘢，我嘅第一印象就係，好啡
我&死神：薯仔燜豬肉
老師&吉井：生姜炒肉片咁嘅嘢
田村&內田：煮魚
咁樣
又幾happy
佐倉老師太有魅力喇喂
結果嚟講全部都好好食
我哋嘅薯仔豬肉唔難食，生姜粉肉片都好食
特別係個煮魚好食到爽皮
大家互相就整出嚟嘅嘢畀意見咁午餐食得好開心
佐倉老師好威水咁將佢整嘅嘢畀我睇，但我心諗點睇都係吉井嘅功勞同佢冇咩關係啦
不過因為好開心所以我咩都冇講
小櫻好正呀
佐倉老師似《屬性同好會D-FRAGMENTS》嘅雷屬性老師咁feel
如果 如果可以嘅話！！想你寫到3年級...
樓豬寫嘅嘢好易睇，內容又開心，我好like
唔係托你大腳，講真
起身見到重繼續緊是也
喔 返嚟喇！等你好耐喇樓豬！
食完晏抖一陣，我哋就坐佐倉老師車去整蠟燭
去到體驗整蠟燭嘅工房見到除咗我哋重有幾group一家大細同情侶
之後聽說明，有啲難但都整到蠟燭
對於整蠟燭嘅感想，就係意外地整蠟燭呢樣嘢就算係初學者都可以整到幾靚仔嘅蠟燭出嚟
將啲透明蠟加色整到海咁色，又加啲珠仔咁，我哋都整到自己嘅獨創蠟燭
幾happy咁
我望望佐倉老師，見到太貪心加太多珠仔搞到啲蠟滿瀉出個容器
見佢咁慘我走去幫佢手一齊整多一支，到而家成為咗好好嘅回憶
就係咁，camp第2日就喺整蠟燭嘅大盛況之下完結
大家都好開心，又整咗啲有形嘅嘢做留念，我都好高興
之後返到屋仔，喺心情勁靚嘅佐倉老師提議下我哋一路玩捉伊人之類嘅嘢好開心咁玩到晚飯時間
老師成個細路咁
希望之後唔會有令到我哋憂鬱嘅情節
呢種旅行多數都係一到回程嘅時候
大家就變返平時嘅距離感...
老師嗚呀
晚飯都係分team整
今次我同佐倉老師一team，結果係點我諗唔使講
食完飯就大家一齊開始去第二次天文學會觀星活動
因為係第2日，大家一路好開心傾住偈咁觀星
觀咗星一個鐘左右，佐倉老師突然話「玩試膽啦」
唔知做咩事變咗玩試膽
小櫻好頑皮
果然係呢啲
話就話試膽，但冇人扮鬼，只係圍住屋仔附近周圍行一圈咁
本身話兩個人一組咁去，但佐倉老師話「放你同女仔兩個夜媽媽一齊行唔好」
所以變咗我要一個人喺黑暗中試膽
其他人就兩人三人一組咁去
而我就最後出發
變咗你自己一個散步嘅喂～
呢度應該要同小櫻一組先係嘛
可憐哪...
小櫻係唔係唔想畀樓豬同其他女仔單獨呢
第1組同第2組都好開心咁嗌晒咁返嚟，之後就到我
田村同學用佢把好可愛嘅聲嗌好驚，搞到我都有少少想瀨咁
諗返起冇朋友嘅我一次夜街都冇出過，咁嘅時間去散步都係第1次
行咗兩步我就覺原來又真係幾驚下
因為條路幾乎冇燈，間中都只係冇電話亭嘅燈咁所以令人更加驚
講真因為好驚所以中途有諗住行捷徑，但捷徑都有捷徑嘅驚所以都係行返正路算
喺差唔多行完嘅時候，我感到背後傳嚟啲沙沙聲
我係咁同自己講貓嚟啫貓嚟啫咁冇望返後面繼續行
同我一樣嘅淆底獸就明，喺夜晚黑嘅路望返後面好得人驚
當時我就係咁嘅feel一路在意住嘅沙沙聲冇望後面咁行
好緊張
#519
呢個可以動畫化！下年春季嘅深夜番要留位！
好有名作嘅預感
之後冇耐啲沙沙聲就停咗
我諗緊做咩呢？雖然好驚但都真係好在意
好驚但喺我心入面好奇心同恐怖心對決嘅結果係好奇心贏咗
我驚住咁望向後面
見到遠方有個着白衫嘅女人
最初我諗係咪吉井？但仔細啲睇唔係吉井嚟
好遠睇唔清樣，但都好明顯唔會係吉井嚟
個白色女人好瘦
#522
>>519 有冇sponsor？
小櫻嚟啦
>522 我有個阿叔喺SONY做試下同佢講先
我有個阿叔係製作公司老闆 有冇需要？
死神着吉井件大碼連身裙嘅話就係貞子喇
我硬晒駄，個白色女人都係
但係個白色女人唔知點解向我呢邊衝過嚟
當然我都即拔足逃走，我用跑100米16秒嘅飛毛腿乘風忘我奔跑
跑咗陣我見到屋仔，屋仔前田村同學佢哋笑住咁向我揮手但我冇空閒揮返
我狂跑返到去我同田村同學佢哋急口令咁講「我肚痛想返房」咁衝返入房包住自己一路震一路喊
上面班友咁撚多猛人親戚就用下啲關係搵工啦～
笑死
做咩唔揮返手啫
隔咗一陣唔知係唔係擔心我，田村同學嚟我房
佢好似擔心我咁但我太醜怪唔想俾人睇我個喊樣所以喺被竇入面應佢
而家諗返起其實都一定聽得出我喊緊，但我當時冇諗咁多
30分鐘後今次到佐倉老師嚟我房
佢用我未聽過好溫柔嘅口吻講「去放煙花咯」
「但我肚...」我想抵抗但係佐倉老師有理冇理揭開我層被半強制咁拉咗我出去
出到去大家都笑住咁迎接我，但我個樣就喊到殘晒咁
之後佐倉老師啲咗啲煙花嚟大家一齊放煙花
我就一直淆晒底咁警戒住周圍咁放煙花，大家就玩煙花玩得好開心
佐倉老師就一路講住「我都唔細啦...」咁走嚟我旁邊坐低玩蛇炮
第2日就係咁，玩完煙花我因為驚好快就去瞓
白色女人係咩嚟到而家都唔知，可能係佐倉老師都唔定，但件事太醜我一直都唔敢問
小櫻好正呀
#538
100m你又跑得幾撚快
到而家都冇問...？
即係話小櫻係喺你隨時都可以問到嘅距離啦
>>538 下？
>>538 乜話
唔該寫晒3年分丫
堅求下你
>>538 咩料
你跑返去嗰陣見唔見到佐倉老師？如果佢喺你後面或者咩奇怪地方行出嚟嘅話就應該係佢嚟
想知到底係咩
第3日冇咩特別嘢
朝早都係隨便談談笑笑影下相，晏晝就回程
有影到全體相，我好開心咁掛喺學會房
開心嘅camp就係咁樣完喇
之後我哋就為咗天文學會嘅存亡準備學園祭
>>538 下？
有新成員？！
我頂好青春呀
有冇加入到？
我哋係咪都係指兩個人？
仆街啦你根本唔係一個人！
肥婆同死神同田村同普通都有加入到？
喺有回憶呢點起已經係死現充嚟
er…100m16秒...係快呀可...？
去完camp後返嚟都係照舊嘅天文學會生活
朝早一個人去學校，喺學會房溫書去到晏晝
晏晝佐倉老師嚟後就兩個人一齊睇碟打機咁過日子
間中佐倉老師唔嚟都有我一個人過嘅日子，但我就冇理除咗盂蘭節外日日都去學會
雖然冇話同朋友出去玩，但每日都好開心
有一次見到班入面班友嘅聚會，好似都係做緊學園祭嘅準備
呢個時候我唔會再喊，但諗返起啲唔記得咗嘅嘢
講開根本完全冇做到任何學園祭嘅準備
件咁重要嘅事我喺盂蘭節後夏天嘅太陽都開始弱嗰陣先記返起
去camp太開心搞到我唔記得咗天文學會而家面臨緊解散
簡單講就係學園祭冇present嘅話就即收檔嘅學會嚟
學園祭係9月上旬，第2學期開始後冇耐
我好急咁打畀佐倉老師
#560
不得了好好睇
搞到我冇心機做嘢係咁F5個PO
樓豬而家都係學生？
我諗嚟緊都係獨撚
好易睇
我明明幫緊老豆手做嘢但都停晒手
我做自宅警備而家都停晒手追PO！
搵返camp嘅成員啦
好彩今日off啫
>>560 而家大學生
「miss 你而家過嚟學會丫」
「唔制」
「最多我請你食雪糕喇」
就係咁嘅feel終於叫到樹懶咁嘅老師過嚟
雖然佢成個嫌煩樣咁，但問題始終係問題，我唔理佢開始講
「再係咁落去天文學會就冇㗎喇」
「邊有咁易啫」
「有咁易」
「我哋去咗camp啦」
「咁學園祭呢？」
佐倉老師成個一言驚醒洛克人樣
我愛你呀！！美凪！！
咦我入錯PO？
《AIR》嘅遠野美凪
雪糕就搞得掂嘅佐倉老師好可愛
就係咁第2日起一師一生嘅天文學會開始做學園祭嘅準備
傾完嘅結果，同吉井所屬嘅烹飪學會合作搞cafe咁嘅嘢
詳細啲講，就係喺空課室度拉晒幕整暗佢做個簡易星象館咁放映星星
然後就由烹飪學會整曲奇畀客人造一個幾好feel嘅休憩處咁
老師又提建整埋蠟燭然後平平地咁賣
第2日起，為咗衣服同材料等等我就出去買嘢
我跑100m要20秒
而家同小櫻仍然frd嗎？
我跑唔到100m
想同老師拍拖
做跑腿有啲辛苦，但有生以來第1次正正經經參加學園祭嘅我好興奮
買完嘢就同佐倉老師一齊整蠟燭
但係佐倉老師唔理有冇咁多人買係咁狂整，我就為咗調理數量就間唔中出去買下嘢飲咁減低產量好忙
又試食埋烹飪學會啲嘢食，其實係佢哋拎嚟慰勞佐倉老師嘅
就係咁樣夏天後半同佐倉老師兩個人努力準備學園祭
呢個老師嘅character
硬係覺得喺邊套動畫睇過咁
總之我當係《輕鬆百合》個理科教師先
老師迷上咗整蠟燭
樓豬而家有冇女朋友？
樓豬而家係咪獨撚？
幾時有同老師嘅愛情動作戲份？
食完晏慢慢睇先
你唔好理啲問題住 繼續寫先
唔知點解想像樓豬好靚仔添
你唔使寫晒3年出嚟 將啲有印象嘅事抽出嚟寫啦
好想遇到小櫻
我將老師嵌入《鎖鎖美小姐@不好好努力》個邪神劍
9月新學期就係艱辛日子嘅開始
同級啲人唔係曬到黑晒就係頭髮MK化，每次聽到佢哋嘅快樂夏天回憶我個心就乸住
矮撚肥仔個頭都尖過以前反晒重力，又曬到好黑，好似被迫要睇佢哋過得有幾充實咁
我就呢日久違地又扮瞓過時朝早
上完堂同平時一樣食完飯去圖書館
去到圖書館田村同學畀咗全體相同我嘅佐倉老師嘅合照我
我好開心咁久違地睇《火之鳥》
你睇完頂你個掣喇咩？
驚你已經唔記得 係指《赤腳阿元》
你都幾鍾意《火之鳥》
小櫻好正
雖然作為教師唔多掂
好學校 就算班入面冇掟企都可以搵到棲身之所嘅好學校
過咗陣就去學會房
佐倉老師整緊蠟燭所以我都一齊整
冇特別講啲咩，兩個人唔出聲喺度整蠟燭
我畀啲相佢，佢好似幾開心咁之後嗰日掛咗喺學會房
就係咁樣嚟到學園祭前日
咁樣成日一齊你都冇鍾意到小櫻咩？
又蠟燭 你哋到底係咩學會！
佐倉老師好可愛呀
愛上小櫻了
有個咁可愛嘅老師嘅話咩課外活動都想入會
學園祭前一日冇堂上，係當學園祭準備日
因為咁，我朝早返學校唔係去課室而係去學會房放低嘢
喺課室班友多數都係做緊班嘅準備所以我冇去
就算我去我諗都只係阻掟
我去天文學會會用嘅空課室，一個人都冇我自己一個做準備
隔咗陣佐倉老師嚟到
佢見到我有啲驚訝後就講
「乜你又係自己一個㗎～」
咁笑笑後幫我手做嘢
我都「咩叫做又啫～」咁樣一路笑住答繼續做嘢
做嘅係喺課室度佈暗幕，排好枱鋪枱布咁樣好快就完
內膽準備好就試下放星象儀
我好記得雖然輸比真星空但都好靚，好感動
追晒了
做嘢放埋一邊先
喂～
唔該你丫，寫3年
#618
好憧憬高中嗰種雖然好樸素但真係做天文活動嘅天文學會
我喺大學有join過下啲天文相關嘅同好會，點知只係成班現充嘅飲食group嚟好失望
所以我超羨慕樓豬
跟住我哋喺課室外面整埋招牌
而家諗返佐倉老師一直唔出聲幫我手，但其實呢啲本身唔係教師做嘅嘢嚟
我哋整招牌整得好渣但都好開心
完成個招牌後就練習聽日學園祭點做
因為係同烹飪學會合作搞，所以嗰邊負責整嘢食，接客就要由天文學會做
我同佐倉老師着住唔襯我哋嘅圍裙兩個人輪流扮客同扮店員，一路練到放學時間
我唔係獨撚但你重充實過我
我諗住話淨係寫啲有印象就得，但我睇到呢度，覺得樓豬嘅文筆可以就算寫啲普通事都令到讀者睇得開心，個人嚟講唔想你特別勉強
>>618 因為有套叫《天體觀測》嘅劇加深咗呢方面嘅傾向
唔通係成田高中？
樓豬鍾意睇書，睇得書多自然寫啲嘢都好啲
好好嘅高中時代
想寫晒3年
想像下個練習情景就小鹿亂撞
一個店員咁鬼畜
成田高中又會男女比例1:9囉
佐倉老師就喺成田高中？！
好想奶小櫻塊平板
嗰晚真係瞓唔到
我第1次參加學園祭，喺學校度做啲咩嘢都係第1次
呢晚我久違地妄想住SOS團無咪就係咁樣做文化祭嘅呢，輕小說腦全開咁瞓
第2日學園祭初日，我人生中難忘嘅一日將要開始
追晒
真係好開心嘅高中生活
點解好似重充實過3年間揮灑青春臭汗嘅我咁嘅
去camp都係俾教練狂操，成個假期都係練波
好憧憬樓豬呢種暖暖心窩嘅高中生活
不過我唔想做獨撚
樓豬有好好嘅高中生活...
我頂丫
鬼唔望樓豬個肚突然間有少少痛
唔想寫晒3年嘅話都起碼寫下最後同佐倉老師點丫
同平時一樣嘅一日，樓豬突然間企喺身講「學～校好遠呀頂～」
學校好遠呀～
由「學校好遠...」可以嚟到呢步～
學園祭第1日，我懷住興奮嘅心情比平時早30分鐘到學校
學校已經有好多學生喺度，肌膚都感覺到同平時嘅氣氛好唔同
去到課室見到唔知幾時變到有好多紙皮箱咁好簡陋嘅cafe咁
我張枱都冇埋冇計唯有坐地等班會開始
班入面班友好似望住我喺度吱吱噚講我壞話
明明平時就唔睬我，但而家就好似不滿我蛇王唔幫手
我心諗就算同佢哋接觸都係講我壞話多，所以都扮瞓等時間過
樓豬寫啲嘢好易睇
冇文才嘅我好羨慕
如果你話係作故仔我會唔肯過你
喺地板扮瞓咁威猛
唔知點解覺得樓豬嘅大學生活都會好充實咁
冇再同肥婆有接觸喇咩？
作故都冇所謂啦
如果係作故我就戒J
終於追晒
搞到我做唔到功課
冇耐後班主任嚟主持班會，簡單講咗幾句後就返教員室
班會後，我就執好嘢急急腳去學會房
喺我出課室嘅時候都好似重聽到有人講緊壞話，但我冇理
而家諗返可能呢個就係原因令到佐倉老師傷心，但我呢個時候唔知
…咩...咩話...？
你搞到我嘅小櫻傷心！！
佐倉老師…
仆街你令佐倉老師傷心？
到底咩事...
喺學會房着好搬嘢用嘅圍裙準備
將啲蠟燭由學會房搬過去，又再練下接客咁
然後喺課室等咗陣，佐倉老師嚟到，一齊着好圍裙準備
喺烹飪學會搬啲嘢食嚟，重有準備好果汁同咖啡等等嘅嘢
終於，天文學會第1次嘅學園祭要開始
有預感大事發生...！
你令到...小櫻傷心...？
九成係冇人嚟啦，文化祭啲客大半都係學校裡面嘅人嚟嘅
想知點
追晒
咪幾開心嘅校園生活
「嚟天文學會Cafe睇睇丫！！」
佐倉老師大聲咁叫客
「二三四...」
我就唔知講乜鬼咁接客
呢啲學校活動本身嚟嘅都係自己人，但我就同我冇關，可以話個個都係陌生人嚟，又幾乎都係女仔
對我嚟講全員都同外星人一樣
要我開大聲去接客我做唔到
喂！咪浪費呀！
獨撚其實幾強
啲背後壞話有時都已經唔係背後都可以頂得順
我唔係好知學園祭係點樣
有課外活動嘅人係咪即係要自己班同學會兩邊都要搞？
過咗陣佐倉老師吸引到客人開始嚟
咁嘅話因為得兩個人，所以好自然就分工，佐倉老師做waitress，我就負責裝食物同飲品，同埋賣蠟燭
睇嚟同聽返嚟嘅一樣，佐倉老師好受學生歡迎，一路都有人「小櫻我嚟喇～」咁同佢講嘢，不斷咁處理來客
烹飪學會整嘅零食都好受歡迎，朝早有唔少人嚟
至如蠟燭，因為我學校多女仔，所以呢啲得意小物都幾好賣
終於追晒
佐倉宅師嘅聲優我用咗澤城美雪
#670
早知我都讀高中
不過，因係呢啲都係校內嘅present所以第1日參加嘅人本身都唔多
去到晏晝嘅客流都穩定，我都慢慢慣點接客所以都已經可以一個人應付
所以我同佐倉老師講「不如小櫻你去休息下先？」咁樣慶典氣氛下我大膽咁講
只係俾佢搣我手臂
就係咁佐倉老師去休息食飯，舖頭得返我一個人
>>670 而家讀都唔遲㗎
不過我嗰時有樣嘢唔知
就係班入面班友睇我唔順眼呢樣嘢
緊張...緊張...
唔該結局係老師轉校bye-bye丫
我好鍾意啲sad嘅ending
咁樣真係有啲唔係幾好嘅氣氛...
因為天文學會解散所以先寫唔到3年...？
呢個獨撚又幾爽
快啦
喺淨返我一個人冇耐，已經完全MK化咗嘅矮撚肥仔帶埋幾個班入面嘅女仔嚟天文學會cafe
而且非常唔好彩地呢個時候得佢哋嚟
我感覺相當差，但都正正經經當佢哋客咁接
矮撚肥仔佢哋就一路笑住咁「喂呢條free rider喺度玩接客喎」
我有啲扯火但忍住，冇錯我係冇幫到手，但我一啲都唔覺得羞恥
嚟踩場？
因為矮撚肥仔搞到小櫻...
一個得一丁友嘅學會要參加文化祭嘅話
咁當然就幫唔到班嗰邊㗎啦
呢啲咁簡單都唔明嘅矮撚肥仔...
正宗升高中就扮晒蟹
其實係咪應該同吉井同學講聲先離隊好啲呢
話學會得一個人所以幫唔到手咁
咁點解佢哋自己又唔同樓豬講話一齊搞
樓豬又唔係癲佬或者完全溝通唔到 望落應該都正正常常
矮撚肥仔一路笑咁求其叫咗啲飲同食
落完單後我唔出聲去拎嘢，呢個時候都一直聽到佢哋喺度講我壞話
到我拎啲嘢去畀佢哋嗰陣佢哋又笑
「喂呢啲飲唔飲得㗎～？」
「喂臭嘅喂～」
講埋啲真係好幼稚嘅嘢好開心咁望我呢邊
呢個時候我冇表情咁唔出聲等下一批客人嚟
唔通吉井同學都係俾人杯嘅？
正仆街
高中先走嚟玩新形象嘅友仔多數都係咁癲癲地
兩個人喺小息講遊戲王嘅矮撚肥仔去咗邊...
好睇唔起人啫
本身性格好嘅現充係唔會睇唔起人
但啲高中甚至大學先嚟玩新形象新開始嗰啲撚樣多數以睇低人為樂
呢度涉及一個概念叫 高校Debut 或者大學Debut 即係高中出道 指以前初中或者高中時係啲唔起眼或者俾人蝦開嘅人 諗住喺升咗高中或者大學時 趁冇人識自己轉新形象新開始 可能係俾個新人設自己 一改舊有性格咁
由好土氣變到識打扮都係高校Debut嘅一種
呢樣嘢本身中性冇話好定唔好 有人都係咁樣拋開過去嘅陰影活得快樂
同時高校Debut都有風險會令到學校生活從此地獄 例如以前自己好內向想改變 夾硬扮開朗但扮唔到搞到更陰沉 又或者扮開朗點知俾人識破原來以前係地底泥 一係過唔到自己嗰關一係俾人杯
亦都有係以前俾人蝦得多 升咗高中就轉為蝦蝦霸霸
特別日本初中同高中多數唔同學校 好多青少年都會考慮高校Debut做改變 係一個好突顯到青春期心理重有朋輩影響下獨有糾結嘅現象嚟 sor 插嘴太長添
總之好想知小櫻點 後續快
「難食到呢～」
矮撚肥仔勁大聲咁講
佢哋連烹飪學會整嘅零食都笑
「嗚哇，甜到痴線～」
「呢啲咩嚟？會唔會食壞人㗎？」
連啲食都冇食嘅友都係咁講
我就嚟想爆，但為咗守護同佐倉老師一齊整嘅學園祭同天文學會我死忍
矮撚肥仔喺度呢段時間真係好難頂，平時咁講我壞話都算，竟然連其他人嘅壞話都講埋
佢哋用咗好長時間飲完啲果汁後就笑住咁走
我覺得終於解放
之但係，矮撚肥仔唔知諗到咩咁走埋去賣蠟燭嗰度
嗚哇...
好想隊冧啲淨係喺學園祭先蒲頭玩嘢嘅死MK
…咪 咪呀
唔好呀...
呀 呢個PO係作故無咪？冇錯 係樓豬諗嘅輕小說嚟！
即係話小櫻唔存在？
嗚呀呀呀啊啊啊啊啊啊
真係唔好呀
真係有啲咁嘅人...？
可能我係小學中學大學遇到嘅都係好人嚟
我呆咗
下？乜呢班友重喺度？咁樣
矮撚肥仔走去蠟燭度，一路笑住咁用好衰嘅眼神望住啲蠟燭並攞上手
「嗚哇，呢啲乜Q嘢嚟？咁撚核突嘅～」
佢咁講我谷到開始出現裂痕
矮撚肥仔喺度貶低啲蠟燭，用啲好難聽嘅說話係咁踩佐倉老師整嘅蠟燭
「你唔買嘅話唔該你放低佢出返去」
我忍住道氣夾硬咇出呢句說話嚟請佢哋出去
「哦，好呀」
然後矮撚肥仔就求其咁將啲蠟燭掉落枱
到我回返神，我已經打咗肥仔塊面一鎚
好波！！
NICE
好明白想揼佢，但呢啲唔可以做出嚟
呀啊，再忍咗少少就冇事...
#720
唔好呀！你打人嘅話天文學會就有危險㗎喇
要打人我幫你打！
就算對方幾仆街都好一出手打就唔掂
>>720 等陣！我嚟！
唔係丫，做得幾好！
樓豬唔係為自己而係為人嘅發火
幾有型呀！
之後嘅事我唔係好記得
記憶中只有發火嘅肥仔打到我瞓低又破壞咗蠟燭等等好多嘢
有好多老師嚟帶我哋去教員室
同埋聽日唔可以再參加學園祭
我做咗啲唔應該做嘅嘢
呀啊...
嗚哇哇哇
唔可以放過矮撚肥仔
#730
一早都講咗獨撚會喺唔知情嘅情況下樹敵叫咗要平時操開㗎啦...
不過呢度唔出手都係悽慘
>>730 唔係輸贏嘅問題囉
就算你唔出手都係會後悔
出手就後悔出手 呢啲冇辦法...
身穿襤褸但內心似錦
輕空挑釁下等佢出手整爛啲蠟燭先可能會好啲
俾呢啲小混混纏上都係麻煩
去到教員室幾個鐘，由級主任開始問話
我將件事一五一十講出嚟，同埋承認自己有唔啱
處分會之後講通知
但我成面都係血，課室搞到亂晒，及後第3者嘅目擊證供等等去睇，判定咗矮撚肥仔嗰邊責任大啲
所以我唔使去到停學呢啲大嘅處分
不過就係我第2日喺屋企閉門思過
參加學園祭因為課室都搞成咁所以已經冇可能
呢一日我同唔到佐倉老師道歉就返屋企
我一個人喊
搞清楚事實真相都好嘅
我都喊咗
喂你班友！！！呢度實到阿妹出場！！！！
全員stand by！！
Roger！
係喎！到阿妹出現flag！
第2日我好似個死人咁瞓喺床上面
每次望鐘都諗呢個時候應該做緊咩 一諗就喊
諗到我到底用咩面目見佐倉老師好，喊得更加勁
學園祭嘅公眾開放日，我第1次嘅學園祭就係用呢個無可再差嘅方式完咗一日
喂喂…
唔好喊啦
獨撚都話對周圍冇害
但係MK正垃圾
如果係一季12集，而家係咪第10集
再第2日我同平時一樣去學校
同樣嘅時間返到去，同樣地入同樣嘅課室
但係班入面嘅氣氛就唔同
一入到去啲人望一望我後就細細聲喺度講啲咩咁
間唔中我聽到佢哋講緊類似「重好意思返嚟學校」「去死啦」咁嘅罵聲
後來聽返知道，矮撚肥仔同我唔同，係停學處分
班入面嘅獨撚同吉祥物發生衝突但得獨撚咩事都冇，所以變成咁
我忍住，比起以前我受過嘅，呢種程度我唔覺辛苦
不過，下一句聽到嘅令我崩潰
「佐倉老師真係慘」
2個鐘嘅特別劇嘅話而家1小時20分鐘左右
下？
佐倉老師好慘
呢句好似冇咩特別嘅說話比起到目前為止任何說話都更容易傷到我心
我袋都冇拎，鞋都冇換就咁着住室內鞋喊住咁跑返屋企
學校好得人驚
我唔會再去學校
喂喂…
兩個鐘路程就咁跑返去？
小櫻一定會好似冇事咁對你㗎
小櫻嘅話一定會打你一拳後就原諒你㗎
拒絕返學第1日
屋企人見到喊到流晒鼻水嘅我返嚟好驚訝但都好溫柔咁迎接我
我咩都冇特別做咁返房用被包住自己瞓
真係好，以為好似最近啲垃圾動畫咁後宮結局添
Bad ending真係好
拒絕返學第2日
朝早阿妹嚟叫我「返學遲到㗎喇」我話我肚痛唔返
喺冇人嘅屋企度用被包住自己睇電視
去到夜晚眼瞓就瞓
小櫻會唔會嚟屋企？
拒絕返學第3日
阿妹唔知衰都係朝早嚟叫我，我話我頭痛唔返
咩都冇特別做咁發吽哣
呀呀，我諗都幾唔掂
係唔係吉井路線？
圖書館校工阿姨END
期待暖心嘅田村路線
拒絕返學第4日
家庭會議，老母發火
拒絕返學第5日
家庭會議，老豆發火
拒絕返學第6-10日
阿妹每日安慰我
想要阿妹
畀你個妹我
係唔係差唔多結局
呢種人學校總有一個
我隔籬班都有
阿妹靚唔靚？呢啲只係幻想！！
阿妹係空氣
多數喺唔喺度都一樣咁嘅存在
細5年嘅阿妹真係幾可愛㗎
喺我冇返學一段日子後我嘅心情都放鬆返啲
但作為代價 喺學校同佐倉老師一齊過嘅日子變到好遙不可及，一諗到咁就好傷心
冇返學後過咗十日佐倉老師都冇聯絡我
學校方面都係除咗處分之外都冇聯絡
冇返學2個星期後，屋企都對我咁樣有啲放棄，已經唔再同我提關於學校嘅嘢
唯一淨係阿妹每日都嚟我房，同我講佢今日發生咗啲咩事，最近有啲咩得意嘢
阿妹好乖女
好叻嘅阿妹...！
我都想有個咁嘅阿妹...
樓豬喺課室嘅feel我好明
女人一群埋一齊就癲
就算係個靚仔，只要有一個人開始講佢壞話就會全部人一齊講
想喊
嚟到呢度係阿妹路線？
學校呢家嘢，真係休一次就會唔想再返
休過一次就好難再返
幾好嘅起承轉合
你班友如果有女同你表白咪又係狗衝～
哈...男人真係蠢...
冇返學後3星期嘅一日，同阿妹一齊去阿嫲屋企拎返我啲嘢
阿妹話當係間中都出嚟抖下氣咁
嚟到學校附近已經係3星期以來，我覺得喺度生活嘅日子好似係遙遠嘅過去咁
去完阿嫲屋企，阿妹話不如去行公司，我話唔制但都同埋一齊去
去到百貨公司，可能因為近學校，見到有着同校校制嘅學生令我胸口有啲乸住
阿妹路線？
喺我同佢一齊去睇衫過咗一個鐘左右阿妹話想去廁所咁留低我走咗
我都好耐冇出街所以好攰，我埋去一張長櫈度垂低頭坐低
哈啊，我到底喺度做咩...
得返我一個人令我嫌棄自己嘅心情又浮上嚟 心好痛
再過咗陣，唔知幾時返嚟嘅阿妹叫我
「咁耐㗎」喺我抬起頭咁講嗰陣
見到笑笑口嘅阿妹同笑笑口嘅佐倉老師企喺度
阿妹乖到我喊出嚟
竟…然？
呀呀呀啊啊啊老師呀
老師...嗚嗚...
嚟喇！！！
小櫻嚟喇！！
小櫻我喜歡你呀～
聽講原作呢幕之後會扑嘢
真係好好睇
佐倉老師？
點解？Why？
我理解唔到咩事所以我逃走咗去
後面聽到係咁叫我
我擰轉頭望見到佐倉老師惡形惡相咁一個叫一路好快咁追住我跑
幾十秒後我就俾佢捉到呢啲唔使多講
#833
呢啲咩急轉劇情
我頂丫
我喺度睇咗成大半日我咩料
逃走～咩料
>>833 Hi 你係我？
我都知你跑得慢㗎喇
小櫻真係好小櫻
>>833 我認為呢啲係有意義嘅時間
褲已除
老師一捉到我，就即刻捉住我心口打我個頭
「你走咩啊衰仔！！」
佐倉老師喺百貨公司好大聲咁講
「er…」
我都做咗少少抵抗
喺我哋爭拗緊嘅時候阿妹追到上嚟做我哋嘅仲裁
我好撚鍾意呢啲嫌麻煩嘅可愛女仔
好似追人高買咁
阿妹提議轉場，我同佐倉老師唔出聲咁去到附近嘅公園
喺公園長櫈度迫坐嘅我都放棄，決定面對眼前嘅佐倉老師
阿妹都好識做行埋一邊
得返我哋兩個，佐倉老師反而咩都冇講
我都冇講嘢，個沉默靜到好難頂
頂丫 我完全冇心機做嘢囉
我頂唔住沉默開口同佐倉老師講
「學園祭好對唔住...」
我博命榨出嚟嘅只有呢句
老師聽完沉默咗陣後開口
「你係咪誤會咗啲咩？」
老師有少少嬲嬲地咁嘅樣望住我雙眼
追晒！
好阿妹…
期待唔係Bad ending先
「我只要有你喺度就夠」
「老師...」
And I 咿呀～～～
#854
矮撚肥仔我完全係用小夫同胖虎
「學園祭件事根本都冇人嬲」
佐倉老師繼續講
「只係，你唔喺度嘅話間房冇咁舒服囉」
我喊咗
佐倉老師冇特別講到啲咩感動說話
但我雙眼已經滿晒淚水
「對唔住...對唔住...」
我向佐倉老師道歉咗好多好多次
佐倉老師笑住「罰你請一個月果汁！」講咗之類嘅嘢嚟安慰我
呀呀呀呀啊啊啊啊小櫻好型呀
>>854 喂！咁嘅話樓豬即係大雄佐倉老師係多啦A夢啫
感動全美
小櫻好可愛
差唔多完場？
「同埋 做一個月性奴」
「老師...」
冇呢啲情節嘅喂？
>「只係 你唔喺度嘅話間房冇咁舒服囉」
↓「你唔喺度會好無聊」
↓「你係必需」
↓「結婚吧」
試膽件事都係問唔到...即係話...
之後嘅一個鐘我不停喊，佐倉老師不停安慰我
喺公園回程，我請阿妹同佐倉老師去餐廳食漢堡扒
久違地同佐倉老師一齊嘅時間真係好開心
後來我聽返先知，係有一日擔心我嘅阿妹打畀學校問佐倉老師嘅聯絡方法先有今次嘅計劃
好能幹嘅妹妹...
阿妹太叻女
等等我去叫老豆老母幫我生個妹先
點解唔係請你係你請嘅喂
呢個妹你要一世好好守護佢呀
阿妹同佐倉老師…
我個心好耐冇吹到呢啲咁清爽嘅風...
我要你阿妹
呢個阿妹
你畀我啦，我用一半壽命交換
又係你請嘅喂～～
小櫻到底有幾孤寒～
第2日隔咗3星期我返返學
喺打開課室門嗰刻我好似有胸口乸住痛嘅感覺，但一諗到佐倉老師就自然有勇氣
入到去班入面嘅人用望垃圾嘅眼神睇我，矮撚肥仔照舊畀說話我聽
但我已經唔係咁在意
朝早扮瞓
晏晝去圖書館
放學後天文學會
呢度我先講，喺入學會房嗰陣我重緊張過入課室
學會房度見到佐倉老師喺度打機
都係喺度我先講，我諗我好鍾意佢
之後解散問題，新會員，欺凌嘅惡化，同佐倉老師鬧交等等
但呢啲都係另一個故事了
完
唔好完呀
好想聽新會員嘅嘢
唔該寫鬧交篇
唔好完呀喂呀
係咪會繼續？
之後你同老師點
唔好完！
頂唔好完繼續啦
鬧交篇本人好想聽是也
完咗...？
而家樓豬同小櫻嘅關係係點？
繼續啦
已謝
想你寫晒，但就算少少後話都好想知
搞到咁長好多謝大家陪我咁耐
同老師嘅交流而家都繼續緊，今個秋天我會返母校做實習，有機會就再講啦
好想知之後點...
乜唔係而家同小櫻結咗婚呢啲劇情咩 我褲都除晒喇喎
你想做教師？
天文學會而家重喺唔喺度？
樓豬一定可以成為一個好老師
全力已謝！！
有好多位都好想知多啲...
我諗樓豬都好忙 係咪冇諗住出後續？
乜冇同小櫻表白嘅
辛苦晒
到你想嗰陣先再開PO啦
實習即係而家year 3？
我要成為教師然後同佐倉老師求婚！
#940
哇！好睇
但係我覺得就算獨撚喺班入面冇掟企都好，文化祭呢啲嘢全班一齊準備嘅嘢都應該幫手 唔應該唔理
矮撚肥仔唔可以原諒
只係差10歲完全可以結婚！
多謝樓豬
你想嘅時候再開PO啦
我請你飲果汁你寫後續啦
>「只係 你唔喺度嘅話間房冇咁舒服囉」
我都想俾人咁講
咁長都有咁多人睇我冇諗到，嚇咗一跳
有關後續，之後都係咁嘅密度有唔同事發生，所以寫續篇有啲困難，唔好意思
之後嘅嘢可以講多少少，2年級嗰陣有1個，3年級嗰陣有2個嘅新會員加入
而家嘅天文學會都算係大戶嚟
重有，喺我在學嗰陣嘅後輩都係唔只入一個會嘅女仔，所以都係同之前一樣係兩個人嘅天文學會嚟
同埋，我已經俾老師拒絕咗5次
真係最後喇
後會有期
好好睇
好似重松清嘅作品咁
全靠樓豬我今日要做嘅嘢一件都未做好
>>940 正因為做唔到呢啲先係獨撚
呢啲明白下點解啦
5次～～
重有機㗎喂～～
加油呀～～～
5次～
不過始終有咁嘅背景，你努力搵到錢後再去表白啦～
5次笑咗
如果可以同老師結婚就好
5次啫
唔好咁快放棄
小櫻老師年紀都唔細，你畀啲力攻下就有機
5次呀 之後重有95次 然後第96次就嚟俾車撞嗰陣話唔定有轉機呢？
《101次求婚》嘅名場面
5次只係剛剛開始咋
如果有轉載嘅話樓豬就可以同佐倉老師結婚
搶到>>1000嘅話小櫻就係我老婆
搶到>>1000嘅話就可以同小櫻伊伊泣泣
搶到>>1000嘅話有朝一日出續篇
搶到>>1000嘅話小櫻就同樓豬結婚
#1000
>>1000
***全篇完***
呢個就係網絡上敲碗敲咗10幾年續篇嘅經典
不過當然我哋冇人有權干涉要樓豬將人生報告晒出嚟
重有一點可惜嘅係搶1000樓許願，最後真係踩中1000嗰個冇任何願望得>>1000咁樣
本譯文原發佈於連登討論區
原link：https://hibari.5ch.net/test/read.cgi/news4vip/1315395093/