拍拖真係好攰嫁

好多網友叫我搵返個男人啦，叫我唔好咁收埋。其實我無呀！

不停經歷開心、失望、開心、失望，真係好攰。

我形容為，每次都帶我上天堂，再掟我落地獄。近兩次拍拖，開始時真係好快樂。講真，我怕咗別人同我講，想我開心。聽太多。

咁大個人，仲未明白追嘅時候一定好好嫁。仲以為點解可以咁美好嫁？覺得好幸福。

時間一耐咗，講梗半年至9個月，就已經完全忘記開頭講過或承諾過嘅嘢。

真係好攰！

我個人仲要成日喊，感情用事。再情傷真係死得。

我都好希望可以好似別人咁幸福

*我係個小女人嚟嫁咋，唔好玩啦好嘛？