或者我地每個人每一日都會帶上笑容，但當你停低腳步既時候，問一問自己內心，其實係咪真正感到愉快呢？忙碌既生活，彷彿令自己既情緒變得麻木，無人再學識梳理自己既感受，然而事實上，成個大環境氛圍都好似形成左一個低氣壓咁，只不過係大家無瑕去用心了解，去認清呢個狀況。許廷鏗既新歌，只求每人用一分鐘既時候去安靜落嚟，好好對自己既情緒作出坦白。
新歌有關自己既內心剖白，旋律亦因此較為煽情，希望勾起每個人回憶，聆聽一下自己既心中想法。音樂由近期甚為多產既唱作人吳林峰創作，並且由黃兆銘負責編曲。歌曲之中呈現既係典型流行曲風格，係鋼琴既彈奏之下，再加入柔柔既弦樂伴奏，並且逐漸引入結他、BASS、鼓聲等等樂器，務求係憂傷既情緒之中，為音樂重新注入力量。
係自資創立音樂公司後，許廷鏗能夠隨意創作佢想表達既諗法，透過音樂去記錄自己既說話同心聲，而今次新歌亦由佢親自填寫歌詞部分，為身處不同地方既香港人作出鼓勵，希望大家可以昂然繼續往前走。如何更有力地為各人打氣，歌詞先將成個環境都刻畫到相當抑壓，係呢方面，填詞人都寫得相當有效，尤其是以呼喚無用、千瘡百孔、倦容配上四處瓦礫，更見到各人有強烈既無力感，彷彿唔會見到希望一樣。
前半段刻畫出每人既力量被瓦解，副歌亦插入回憶過去既部分，更顯得當年既青蔥快樂老早已經逝去；下半段係崩解之下先至能夠重新拼合，填詞人希望喚醒大家團結既力量，就算看似已經無晒任何憧憬，但要知道總有人係身邊會支撐著你，因此更不怕係亂流之下繼續行下去。係困難之中只有一人走甚覺孤單，但如果有不同既人共同扶持，再難行都可以活下去，填詞人係歌詞後段既安排，將灰暗既背景，注入唔少既溫暖感受。
如果再睇睇呢首歌既背景，其實係上一隻專輯推出之後，許廷鏗就想嘗試新既音樂企劃，將佢既音樂由本地推進至國際，而今年既第二首派台歌，係重新同大家指教後，向歐洲進發。有唔少香港人係二零一九年後移民海外，散落不同地方，難免同其他朋友、家庭既連結看似更微弱，呢首歌既出現就係叫一眾香港人去認清自己既困難、惶恐，從而再作出鼓勵。雖則大家可能遠在異地，但其實別人並唔會忘記自己，重拾自信走下去，當團聚之時，一個溫馨擁抱，能夠更為動人。
歌名：聆聽世界這分鐘
歌手：許廷鏗
唱片公司：自許紀錄
作曲：吳林峰
填詞：許廷鏗
編曲：黃兆銘
監製：周錫漢
聆聽世界這分鐘
到處千瘡百孔
怎麼呼喊也無用
前路盡處 只有深坑 破洞
凝住這分鐘 凝住你我那驚恐
環顧這片瓦礫中
人們承受的痛
寫滿了臉上倦容
瀰漫著惶恐
誰人尚有一種悸動
人大了不懂 說不通 為眼淚動容
從前未怕痛 多麼青蔥 多麼的瘋 隨時放縱
重拾著初衷 當初懵懂 即使跌碰 亦跌不痛
想起藍天空 想起當年的勇 望望現今誰怕痛
微涼的風 都觸發劇痛
人再世故也不懂
靈魂其實多重
不過慶幸未想通
然而尚有英勇
仍然未怕輸想親手服眾
趁還未嚇怕 別怕 未怕 輕舉妄動
難忘掉初衷 不甘冰封 都想衝鋒 仍能放縱
難重拾奮勇 當初巔峰 不感刺痛 狀態驍勇
今天才聽懂 不管包袱多重 亦在亂流的變幻裡
尚在團聚 鬥志被搾取 都不會敗退
不甘判死罪 顛覆這規矩 將薪火棒高舉
不想再認輸再回眸過去 誰也有火燒新的火堆
若再後退 也有情緒 難避直面畏懼
面對 當青春花光 想作決定 怕心碎
頑強地應對 昂然行下去 這叫壯舉
不管對不對 亦畢生去追隨 不怕累
生亦未氣餒 死亦有所取
他生再萬歲
不管幾多歲
堅守你絕對
歌曲連結:
https://youtu.be/ow8FJbaWUxs
#最新派台歌系列 #派台歌短評 #聆聽世界這分鐘 #許廷鏗 #AlfredHui #吳林峰
#黃兆銘 #周錫漢 許廷鏗 Alfred Hui
=======================
喜歡呢篇作品的話，可以透過以下途徑支持:
1. Like and Share
2. Payme: https://payme.hsbc/ctpm
3. Alipay (詳見精選動態的支持方法~)
4. Buymeacoffee:
https://www.buymeacoffee.com/cantopopmusic
=======================
漫遊在廣東歌 林望天 正式登陸 Instagram 喇，想更快接收廣東歌資訊，就記得㩒follow喇!!! // ig: @cantopopmusic